王浩信

【結婚9周年】王浩信偷食到「雙11」重溫大肚陳自瑤2011年「光棍節」焗嫁

當年30歲陳自瑤(YoYo)選在「6條 1」2011年11月11日最適宜嫁娶的「光棍日」,跟細兩年、拍拖三年的王浩信,在尖沙嘴婚禮禮堂註冊完婚,本來結婚乃喜事,不過婚前兩日,王浩信被爆瞞未婚妻YoYo婚前試愛,偷嗒16歲𡃁模Cammi及拿督女莊思明,火爆YoYo曾為此鬧大交分手,不過因為同居期間搞出人命懷有兩個月身孕,被迫含淚焗嫁。

圖、文:東方新地

重溫:王浩信偷嗒 Cammi 大肚陳自瑤 含淚焗嫁

王浩信陳自遙婚禮
粗身大勢YoYo步出禮堂時幾乎絆倒, 谷奶湯碗胸隨動作一覽無遺,身邊人扶都扶唔切。

王浩信婚前被爆帶女返屋企 搬屋免觸景傷情

據知情人爆料:「Vincent(王浩信)恃自己6呎1、高大靚仔,成日夜蒲獵艷搵機會偷食,佢例牌同人講YoYo脾氣臭、成日鬧交,更趁YoYo返大陸做嘢帶女返屋企,連房錢都慳,同Cammi嗰次終於上得山多,俾YoYo撞到正啦!」

知情人續爆:「你咪睇YoYo斯斯文文,其實佢份人好火爆,撞破條仔偷食,佢發晒癲嗌分手兼搬走埋,不過中途發現大肚,年紀又大,喺TVB撈嚟撈去二、三線,先至焗住上轎之嘛!」講掂數結婚後,兩人臨時臨急由維景灣畔七百多呎單位搬到月租一萬二千元領峯九百呎單位。

11/11註冊 YoYo孕味濃

「 6條1」當日,一代女神YoYo穿上白色低胸婚紗,一向身材不算有睇頭的她,上圍明顯脹爆谷奶,註冊儀式上,問到YoYo是否懷孕,她強顏歡笑,王浩信則驚青傍實兼急着搶答:「我哋都想,如果有好消息會話俾大家知,多謝話我太太有喜。」不過現場所見,YoYo孕味濃,明顯谷奶升cup,腰間見肚位要靠誇張拱形婚紗遮掩,根本呃唔到人!更有賓客見她淚盈於睫,心不在焉,不知是感慨、感動,還是陀B陀得累。

重溫:王浩信 陳自遙婚禮

婚戒是卡地亞Love系列,王浩信品味同陳冠希一緻。
婚戒是卡地亞Love系列,王浩信品味同陳冠希一致。
現場所見,YoYo孕味濃,明顯谷奶升cup。
現場所見,YoYo孕味濃,明顯谷奶升cup。
YoYo自知谷奶包唔冚,不時烏身留意,不過始終避不過走光。
YoYo自知套婚紗谷奶都包唔冚,不時烏身留意,不過始終避不過走光。

13/11港島香格里拉擺酒 蒲腳伴郎團

據知情人事透露,因為太遲籌備,二人訂不到「 6條1」酒席,惟有註冊、擺酒分兩日搞,知情人說:「喺港島香格里拉擺,係因為太遲周圍都full晒,至於搬大屋,話就話留間房俾BB,其實唔想YoYo對住間偷食屋觸景傷情搵交嗌咋!」

王浩信陳自遙婚宴
當年婚宴於港島香格里拉酒店筵開20席,當日Yo Yo換上另一套白色晚裝,圈中朋友不多的她姊妹團全爲外人;而兄弟羅仲謙、黃長興農夫C君及陸永,據知全是新郎夜蒲鐵腳。

王浩信婚前 秘媾密密食

陳自瑤入行以來無甚緋聞,最為人知是05年跟細三年蔡淇俊姊弟戀兩年,不歡而散;而王浩信則大小通吃密密食,更專媾選美索女: