JESSICA FI

簡淑兒起底 富貴住豪宅 強調出入搭巴士

新一代宅男女神簡淑兒(Jessica)又靚清純,喺剛播出嘅《波士早晨》中,飾演索爆OL ,相信又會迷倒不少宅男。不過睇番佢當年選港姐的舊照,同依家分別真係好大喎!查實Jessica係一名富家女,家族經營珠寶金飾生意,而佢自己就同家姐住喺九龍站豪宅凱旋門,名副其實係賺錢買Bra戴!

撰文:東方新地

簡淑兒 新一代宅男女神

出身自組合「少女標本」的簡淑兒,自從喺《愛‧回家之八時入席》中飾演秘書Elsa後備受關注,招牌腰果眼、甜美笑容加上密密短裙露長腿成為觀眾討論焦點。

簡淑兒
簡淑兒眼大大鼻高高瓜子臉,形象清純,係新一代宅男女神之一!
簡淑兒
簡淑兒同時下少女一樣,最愛自拍!

《波士早晨》係處女劇

接住《平安谷》出街的新劇《波士早晨》中,簡淑兒飾演成日撞板甩碌嘅年輕OL Hana,其實套劇早係三年前拍下,仲係簡淑兒拍嘅第一套劇!

簡淑兒
簡淑兒在波士早晨中,同張致恒做一對!
簡淑兒
簡淑兒大讚前輩陳慧珊好NICE!

《波士早晨》又見到佢

《波士早晨》男主角方面有黃智賢、洪永城等,吸引力一般;反而女演員陣容更吸引!除了人見人愛的Ali李佳芯、好耐無拍無綫劇的陳慧珊外,觀眾在同一時間又見到簡淑兒!今次簡淑兒飾演一個初級秘書仔,怕怕醜又驚青咁,由佢演繹就適合不過!

簡淑兒
作為處女劇,未簡淑兒的表現如何呢?
簡淑兒
簡淑兒會同張致恆有感情線。
簡淑兒
簡淑兒仲有激罕著泳衣濕身鏡頭~
簡淑兒
簡淑兒飾演可愛秘書!
簡淑兒
簡淑兒在波士早晨中演OL,原來套劇係佢處女劇!

而喺剛播完嘅《平安谷之詭谷傳說》,簡淑兒飾演鄭子誠個女淼淼!

簡淑兒
簡淑兒大讚鄭子誠拍劇期間教佢唔少!
簡淑兒
簡淑兒仲有一場落水戲!

而佢喺《迷》入面飾演田蕊妮女兒Chloe,角色設定係一個中學生,雖然佢真人同阿田只係相差13歲,但完全冇違和感!

簡淑兒
簡淑兒在《迷》中演學生妹,入形入格!

妝頭出事?

但回到2012年簡淑兒選港姐時,實在只可以用一個四字詞:「其貌不揚」,細眼、扁鼻兼顴骨又大,難怪頭圈已經被淘汰。事隔6年面目全非,愈大愈靚,簡淑兒就曾經解釋係當初官方妝頭出事喎!

簡淑兒
簡淑兒2012年選港姐入行!
簡淑兒
呢個係簡淑兒,你認得出嗎?﹗

原來係富家女

由美國回流返港的簡淑兒,入行以來都甚少談及自己的家庭背景,只知道佢有6兄弟姊妹,但原來佢家境相當不俗!簡淑兒父母經營珠寶生意,在上水及將軍澳都有專門店。另外喺紅磡一幢工業大廈亦購入兩個單位作寫字樓,生意規模唔算細。簡淑兒亦曾經幫屋企生意做生招牌,擔任代言人兼模特兒,甚至贊助過TVB及亞視藝人鑽石首飾出席活動。

簡淑兒
簡淑兒家族經營珠寶店生意,由佢做代言人最適合不過!
簡淑兒
簡淑兒呢個Look,清純到加零一!
簡淑兒
簡淑兒最愛自拍!
簡淑兒
簡淑兒穿上卡通衫,Cute到呢⋯⋯

簡淑兒 強調自己純天然

簡淑兒之前出席活動,被問到疑似變樣的傳聞,佢就話用人生最核突的舊照同現時相比,分別當然大,所以點講都冇用。之後佢強調自己係純天然,自己選美後就去拍劇,如果有整大家都會留意到。但問題係,依家真係好多人留意你唔同咗樣喎……

提到近日被爆係有錢女,佢就話屋企只係做一啲小生意,自己出入唔會有司機接送,平時返電視城或者出席活動都係搭巴士。另外又稱自己雖然同家姐住,但就唔係住凱旋門,絕對唔係有錢女。

簡淑兒
被指同選港姐時個樣好大分別,簡淑兒受訪時強調自己純天然!

讀者留言