sky

精選神劇《天與地》十大金句

2010年製作的TVB劇集《天與地》破格創新,斥時弊、論人性等情節贏盡口碑,而劇中金句更令人津津樂道,尤其以下精選十大金句,涉及政治「抽水」夠晒精警!

文:東方新地

金句一:天文台被鬧死

精選神劇《天與地》十大金句

精選神劇《天與地》十大金句

《天與地》中,曾出現了打風情節,劉俊雄(林保怡)即天文台台長上身,指再掛八號波機會極微,之後雷耀彬(張國強)直指:「天文台一定會被鬧死」,寸爆天文台經常因掛錯波,而飽受市民批評!

金句二:鍾意食蛇就轉會

精選神劇《天與地》十大金句

精選神劇《天與地》十大金句

工會職員Alfred:「人哋啲大型工會組織,佢哋啲活動就好喇,食蛇宴啦、摘荔枝啦,買啲平價米、平價油咁樣。我哋淨係可以搞家居電器維修興趣班咋。點樣join人呀?仲話join多啲人,心照啦!」區海晴(李思雅)即直斥:「係咁鍾意食蛇,咪轉會囉!」寸爆見利忘義的人!

金句三:政治世界係污糟邋遢嘅世界

精選神劇《天與地》十大金句 精選神劇《天與地》十大金句

 

劉俊雄於街邊為選舉拉票時說:「無論係香港定世界任何一個地方,政治世界就係污糟邋遢嘅世界,從政手段就只有卑鄙、奸詐,除咗呢樣,就只有更卑鄙、更奸詐。大家如果想得到公義嘅話,我可以話比大家聽,一個公義嘅人,絕對、亦無可能幫你哋達到目的。」

金句四:做人唔係本來應該係咁?

精選神劇《天與地》十大金句 精選神劇《天與地》十大金句

Dr. Dylan(Joe Junior)解釋Rock & Roll精神:「獨立嘅精神、抗拒建制、自由、愛、勇往直前,其實何止係Rock & Roll,我哋做人唔係本來就應該係咁嘅咩?」

金句五:香港人最善忘

精選神劇《天與地》十大金句

精選神劇《天與地》十大金句

對於大部分人變得唯利是圖,劉俊雄感慨說:「香港人最擅長係咩?就係善忘,除咗錢,咩都忘記晒!忘記身邊所有一切,忘記舊樓、碼頭,忘記曾經喺街上喊過嘅口號。」

金句六:窮人最想黐有錢佬

精選神劇《天與地》十大金句 精選神劇《天與地》十大金句

成功進入立法會嘅劉俊雄,認為另一議員埋有錢佬堆搵着數,結果被對方拋窒:「窮人最想黐有錢人,有錢人最想黐啲官!我可能搵錢冇你咁多,但我有嘅係權!好多工商政策我有份投票,所以啲有錢佬驚我唔嚟飲飲食食!」

金句七:大家只接受偽善嘅人

精選神劇《天與地》十大金句 精選神劇《天與地》十大金句

劉俊雄向江兆泉(劉丹)坦言好人難做:「你唔覺得呢個城市唔歡迎好人o架咩?大家都只會接受一啲偽善嘅人,反而啲好人,佢哋會驚!」

金句八:和諧唔係一百個人講同一句話

精選神劇《天與地》十大金句 精選神劇《天與地》十大金句

葉梓恩(佘詩曼)講出對和諧睇法:「今晚喺呢度,我呼籲警方、外邊嘅市民、所有傳媒,無需要恐懼我哋嘅聚集。因為喺呢度,每一個支持同追求獨立音樂嘅人,佢哋都代表住每一種獨立同自主嘅做人方法。呢啲並唔係唔和諧嘅表現,和諧唔係一百個人講同一番說話,和諧係一百個人有一百句唔同說話之餘,又互相尊重。」

金句九:點解人長大咗,就要咁多妥協同考慮?

精選神劇《天與地》十大金句 精選神劇《天與地》十大金句

面對殘酷現實,葉梓恩無奈說:「點解人長大之後,就要咁多妥協、咁多考慮?咁多理由去面對現實,咁先叫正常咩?

金句十:This city is dying, you know?

精選神劇《天與地》十大金句 精選神劇《天與地》十大金句

Dr. Dylan向葉梓恩慨嘆香港人金錢至上:「你睇吓我哋呢個世界,睇吓我哋呢個城市係乜嘢樣,除咗錢呢個字之外,我哋已經分辨唔出是非黑白,我哋每個人都被環境訓練到,好似倒模出嚟咁。鍾意食同一樣嘅嘢、鍾意同一樣電視節目、支持同一種政治立場,信奉同一種生老病死嘅做人方法,this city is dying, you know?」

全文完