賀年

重溫40年來29張紅星經典賀年相 群星熱鬧賀新歲!

今個農曆過年氣氛淡薄,硬係爭咁啲哩咁?無錯!就係爭咗名人紅星出嚟同大家舉揮春賀新年!多年嚟一衆歌影視紅星都會應記者要求影賀年相,今次搜羅娛圈40年嚟紅星慨賀年照片,張張極之珍貴:

撰文:東方新地|圖片:東方新地

經典紅星齊賀歲! 重溫40年來紅星那些年揮春賀年圖集

01|79年 發哥微笑作揖

79年頭23歲嘅周潤發微笑作揖同讀者拜年,最爆笑都係佢嗰條粗到好似成碌炮仗嘅紅色領呔。

賀年
發哥成個曾江咁⋯⋯

02|81年 汪阿姐派利是

81年汪明荃梳咗個鬆獅頭新髮型,著上桃紅色棉襖喺充滿新年氣息嘅背景下大派利是,當年佢仲未離婚所以派雙封。

賀年

03|84年 鬈毛偉仔賀歲

梁朝偉84年將頭頂啲頭髮電鬈,形象耳目一新,拎住張「萬事勝意」揮春拜年,畀人好醒神嘅感覺。

重溫40年來29張紅星經典賀年相 群星熱鬧賀新歲!

04|85年 哥哥「型」新歲

85年張國榮著大褸圍白色大頸巾,令人想起〈風繼續吹〉經典造型,著到咁型,名副其實「 型 」新歲。

重溫40年來29張紅星經典賀年相 群星熱鬧賀新歲!

05|88年 嘉玲紅鸞星動

嘉玲88年電咗一頭鬈髮再配鮮紅色裝束好搶眼,手揸「 心想事成 」揮春嘅佢,結果呢年如願搵到佢一生至愛 ——梁朝偉。

重溫40年來29張紅星經典賀年相 群星熱鬧賀新歲!

06|90年 張曼玉祝福到

90年張曼玉登上某電視周刊嘅封面,相 中曼玉超大頭喺大紅色背景揸福到揮春,個樣好精靈,擺喺報攤極度吸睛。

重溫40年來29張紅星經典賀年相 群星熱鬧賀新歲!

07|93年 劉華揸雞賀年

93年係雞年,劉德華著上傳統紅彤彤長衫,揸住隻道具雞,寓意大家新年要發威。
重溫40年來29張紅星經典賀年相 群星熱鬧賀新歲!

08|94年 伊健型揸炮仗

一早被禁嘅炮仗每年係必備賀年飾物,94年鄭伊健就拎住條道具炮仗影賀年相,蘭花咁嘅手,依然有型。

重溫40年來29張紅星經典賀年相 群星熱鬧賀新歲!

09|1991年 邵美琪 反手捧全盒

一般人拎全盒影相會用正前手捧住,但邵美琪就反手好似舉鐵餅咁,夠曬反傳統。
一般人拎全盒影相會用正前手捧住,但邵美琪就反手好似舉鐵餅咁,夠曬反傳統。

10|94年 周慧敏仙氣抱狗

94年狗年,周慧敏抱住隻白色大毛毛狗公仔,再加串假爆仗影賀年相,長長秀髪加甜美嘅笑容,其仙氣令人回味無窮。

重溫40年來29張紅星經典賀年相 群星熱鬧賀新歲!

11|97年 星爺扮炮仗樹

周星馳為宣傳97年賀歲片《 97家有囍事 》,頭戴高身樹葉帽頸纏大串假炮仗,鬼馬造型極似生果頭迷你兵。

重溫40年來29張紅星經典賀年相 群星熱鬧賀新歲! 重溫40年來29張紅星經典賀年相 群星熱鬧賀新歲!

11|06年 古天樂燒炮仗

身為飲品品牌亞洲區代言人古天樂,06年影賀年利是封,作狀揞耳燒串金色大炮仗,難得一見的cute樣。

依家好難見到古老闆擺呢啲甫士喇⋯⋯
依家好難見到古老闆擺呢啲甫士喇⋯⋯

12|1988年 邵仲衡、邱淑貞情侶度歲

未入娛樂圈前曾同邱淑貞拍拖嘅邵仲衡,88年同著情侶裝一齊影賀年相,一個長衫作揖、一個旗袍捧全盒,好有夫妻相。
未入娛樂圈前曾同邱淑貞拍拖嘅邵仲衡,88年同著情侶裝一齊影賀年相,一個長衫作揖、一個旗袍捧全盒,好有夫妻相。

13|1991年 袁詠儀 嬌俏可人

90年港姐冠軍兼最上鏡小姐袁詠儀, 呢幅91 年賀年照盡顯佢嬌俏可人一面。
90年港姐冠軍兼最上鏡小姐袁詠儀, 呢幅91 年賀年照盡顯佢嬌俏可人一面。

14|1994年 周慧敏 假狗賀年

94年係狗年,周慧敏拎隻好可愛嘅狗狗公仔加串炮仗,勁吸睛!
94年係狗年,周慧敏拎隻好可愛嘅狗狗公仔加串炮仗,勁吸睛!

15|1994年 黎姿「 紅」福齊天

黎姿狗年拎住巨型紅色福字揮春同讀者拜年,仲舉到上天,名副其實「紅」福齊天。
黎姿狗年拎住巨型紅色福字揮春同讀者拜年,仲舉到上天,名副其實「紅」福齊天。

16 |1994年 汪阿姐、鄭少秋 件衫唔夾

88年汪阿姐一身黑衣本來唔係好應節,但對比下令紅唇同白雪雪慨珍珠頸鏈更奪目。
88年汪阿姐一身黑衣本來唔係好應節,但對比下令紅唇同白雪雪慨珍珠頸鏈更奪目。
汪明荃嘅好拍檔鄭少秋同樣著沉色西裝,反而令張揮春更突出,加上微笑祝福,誠意更濃郁。
汪明荃嘅好拍檔鄭少秋同樣著沉色西裝,反而令張揮春更突出,加上微笑祝福,誠意更濃郁。

17 |1988年梁朝偉長衫作揖

無線當紅小生梁朝偉,88年著紅彤彤長衫加條白色大頸巾打恭作揖,型英帥靓正!
無線當紅小生梁朝偉,88年著紅彤彤長衫加條白色大頸巾打恭作揖,型英帥靓正!

18 |1986年 劉嘉玲揸八卦揮春

86年劉嘉玲揸住好少見嘅八角形福字揮春, 睇落好似揸住個巨型八卦咁!
86年劉嘉玲揸住好少見嘅八角形福字揮春, 睇落好似揸住個巨型八卦咁!

19 |1991年 毛舜筠擺詠春攤手

毛姐毛舜筠
講到破格反傳統, 相信非毛姐毛舜筠莫屬,佢左手似玩包剪揼、右手就好似詠春攤手,成個葉問咁款。

20 |1983年謝府唐裝賀歲

自謝霆鋒80年出世後,好多報章雜誌都鍾意搵「四哥」謝賢一家三口影賀年相,83年四哥出動埋只有半歲大嘅謝婷婷,個個著上傳統唐裝衫,新春氣氛指數爆曬燈!
自謝霆鋒80年出世後,好多報章雜誌都鍾意搵「四哥」謝賢一家三口影賀年相,83年四哥出動埋只有半歲大嘅謝婷婷,個個著上傳統唐裝衫,新春氣氛指數爆曬燈!
合照時未夠三歲嘅霆鋒攬實坐喺櫈上嘅婷婷,避免佢由張櫈跌落地,真細心!
合照時未夠三歲嘅霆鋒攬實坐喺櫈上嘅婷婷,避免佢由張櫈跌落地,真細心!

21 |1978年 米雪 蘭花手揸揮春

78年仲係佳藝電視台當家花旦嘅「紅姨」米雪,揸揮春手勢極之優雅。
78年仲係佳藝電視台當家花旦嘅「紅姨」米雪,揸揮春手勢極之優雅。

23 |1984年張曼玉 彎腰賀歲

83年港姐亞軍張曼玉,翌年初未卸任兼未拍過劇,就獲雜誌邀請影封面賀年相,佢彎曬腰揸利是封同讀者拜年,態度誠懇!
83年港姐亞軍張曼玉,翌年初未卸任兼未拍過劇,就獲雜誌邀請影封面賀年相,佢彎曬腰揸利是封同讀者拜年,態度誠懇!

24 |1986年 張國榮祝金玉滿堂

95年張國榮有套電影《金玉滿堂》,早在電影上畫前9年,哥哥替雜誌影賀年照時已揸住「金玉滿堂」揮春,佢仲著埋大花恤衫,同盆桔襯到絕。
95年張國榮有套電影《金玉滿堂》,早在電影上畫前9年,哥哥替雜誌影賀年照時已揸住「金玉滿堂」揮春,佢仲著埋大花恤衫,同盆桔襯到絕。

25 |1994年 王菲牙漬煞風景

94年仲叫王靖雯嘅王菲笑容可掬,拎「吉祥如意」揮春,但細心睇佢有隻牙揩到啲紅色唇膏,勁煞風景。
94年仲叫王靖雯嘅王菲笑容可掬,拎「吉祥如意」揮春,但細心睇佢有隻牙揩到啲紅色唇膏,勁煞風景。

26 |1986年 鄭裕玲亂髮拜年

Do姐鄭裕玲86年揸住「精神爽利」揮春影賀年相, 但佢頭髮有啲淩亂,記者應該提吓佢梳頭先。
Do姐鄭裕玲86年揸住「精神爽利」揮春影賀年相, 但佢頭髮有啲淩亂,記者應該提吓佢梳頭先。

27 |1991年紅爆星爺拍楊羚

91年喺電視台紅到發紫嘅周星馳,一本正經同從未合作嘅楊羚齊齊作揖拜年,組合新鮮!
91年喺電視台紅到發紫嘅周星馳,一本正經同從未合作嘅楊羚齊齊作揖拜年,組合新鮮!

28 |1988年 譚詠麟黑面好破格

影親賀年相通常笑容可掬或微笑示人,但譚詠麟個樣唧都唔笑,咁拜年好破格。
影親賀年相通常笑容可掬或微笑示人,但譚詠麟個樣唧都唔笑,咁拜年好破格。

29 |1994年 劉德華祝生意好轉

劉德華90年創立天幕電影公司,開頭唔錯但往後幾部大制作票房遭遇滑鐵盧,94年華仔揸住「生意興隆」揮春,好似祝自己間電影公司生意好轉,有雙重意義。
劉德華90年創立天幕電影公司,開頭唔錯但往後幾部大制作票房遭遇滑鐵盧,94年華仔揸住「生意興隆」揮春,好似祝自己間電影公司生意好轉,有雙重意義。