黃偉文

黃偉文50大壽彭羚激罕現身 網民:卡士勁過樂壇頒獎禮!

昨日是著名填詞人兼潮人黃偉文(Wyman)50歲生日,Wyman於酒店舉行盛大「Y50」生日會,現場星光熠熠,與他合作無間的容祖兒、楊千嬅、鄭秀文、王菀之、張敬軒、李克勤夫婦等都盛裝出席,連久未現身的彭羚都同老公林海峰拍拖出席,真係好難得,難怪有網民話卡士勁過樂壇頒獎禮咁話!話晒Wyman幫佢哋作過唔少歌,所以當晚Dress code,就係每人嘅衣著都要揀一首代表嘅歌曲,唔知你哋從佢哋嘅衣著又估唔估到呢?!

 

撰文:東方新地 圖片:新傳媒圖片、Instagram、微博

 

黃偉文50歲生日 紅星到賀

著名填詞人黃偉文為慶祝50歲生日於一酒店舉行生日派對,人緣甚廣的他獲邀請大批圈中好友出席,包括天后容祖兒、楊千嬅、張敬軒、周柏豪、李蕙敏、薛凱琪、何韻詩、吳君如、余文樂夫婦、何韻詩、李蕙敏、黃耀明、關心妍夫婦、徐濠縈、徐天佑等,星光熠熠,卡士分分鐘勁過樂壇頒獎禮!黃偉文事後都在IG分享大合照,他留言表示在今年開始實行「每日都買一樣嘢」計劃,又笑言呢張大合照就是當日「所買」的無價寶。

 

黃偉文
黃偉文話張敬軒比佢還早到場,而且一直貼身幫忙打點!

 

彭羚激罕現身

Wyman在社交平台分享與林海峰和彭羚夫婦的合照,答謝他們畀面出席:「感激全香港最早瞓的伉儷都沒有早走。」現年50歲的彭羚保養得宜,網民大讚佢打扮優雅高貴,仲有人留言「證明你幾咁重要」、「 放返cass出嚟唱歌」。彭羚對上一次係2012年應好友Wyman邀請,在對方的《Concert YY 黃偉文作品展》任個唱嘉賓同黃耀明合唱《漩渦》,當時已有大批歌迷希望彭羚復出,但林海峰代為回應指彭羚冇打算復出!

98年宣佈與商台DJ林海峰結婚,翌年宣佈懷上長女林泳,彭羚已經開始減少幕前及歌唱工作,直到2004年懷上二女林清後,彭羚開始全面退出幕前。

 

關心妍夫婦

 

余文樂造型似司機?

黃偉文喺IG分享當晚和好友們的合照,他照咗和余文樂夫婦的合照,表示:「謝謝你帶了太太和「司機」來。聽講話係十幾年來首度公開獻唱 ,想聽的你們去求求他准不准我放20秒唱歌片段出來啦 !」Wyman仲話「余生呢個係當年電影下一站天后個司機造型」

黃偉文
黃偉文PO同欣宜的合照,佢話:「居然諗起肥姐和盧David的天鵝湖!開心勾腳重現江湖!」

 

黃偉文分享和周柏豪的合照,他留言寫道:「428號宇宙傘兵也來,仲話完全估唔到柏豪會得閒嚟好開心!」Wyman又上載和「灘叔」鄒凱光合照:「喇沙之友再合體! 灘叔話帶我坐吓港鐵喎」佢哋講緊嘅之唔係喺《初戀無限touch》情節囉!佢哋嗰句「你那莎」對白堪稱經典。

 

Wyman和灘叔合照

吳君如合照得粒米

好友吳君如都有影大合照,不過Wyman問點解唔見佢?君如原來當時去咗洗手間,之後返到去企最後排,細到似一粒米,難怪Wyman睇唔到啦!Wyman仲話「60歲留返個中間位比你」

 

阿謙單車做道具

當晚填詞人潘源良、陳詠謙夫婦都有出席!佗住BB嘅阿謙太太仲自製的服裝出席派對,Wyman除了恭喜他們快要再做父母,仲讚謙嫂當晚所穿的服裝,而阿謙仲攞咗阿仔Neighborhood單車做道具,Wyman話好加分!

填詞人潘源良、陳詠謙夫婦都有出席!

 

鄭秀文螢光粉紅現身 只逗留「1分鐘」

而早前受「安心偷食」影響的鄭秀文以Wyman填詞的歌曲《螢光粉紅》為主題,一身螢光粉紅造型盛裝到場,Wyman留言:「謝謝你和團隊花了好多時間心思襯一套衫,只為特地過來和我見面1分鐘拍個照的「螢光粉紅上將」!」

 

鄭秀文也搞笑回應說:「點只一分鐘,吹水都吹咗5分鐘,還有另加5分鐘拍照。只要是真心和用心,短小精桿的見面都是溫度十足。」Wyman回應:「1分鐘係比喻,形容珍貴」。

 

黃耀明 Wyman手拖手合照

每有嘉賓到場都會場外設有精美的影相位合照,黃耀明在IG分享同Wyman手拖手的合照,明哥留言說:「我的老朋友小王子今日50大壽。」而Wyman留言:「Friendship since 1988」

 

朱薰分享何韻詩短片

帶同子女出席生日會的DJ朱薰,就留言祝福Wyman說:「Happy Birthday YY!!!希望你喜歡小鹿給你送支花,祝繼續被愛包圍,永遠快樂。」而朱薰又在IGstory分享何韻詩在生日會上的自彈自唱短片。

朱薰更在限時動態分享何韻詩在生日會上的自彈自唱短片。