濕疹

Bob囝囝嚴重濕疹求助 7大網民偏方紓緩濕疹

最近Bob林盛斌嘅囝囝患上嚴重濕疹,身為爸爸嘅Bob非常心痛,喺Facebook問網民有冇咩古法偏方提供。網民就提供咗7種紓緩濕疹嘅偏方。注意:方法不是人人適合,使用偏方前先徵詢家庭科醫生意見。

原文:Sunday Kiss|圖片:Bob林盛斌

Bob囝囝嚴重濕疹求助 7大網民偏方紓緩濕疹

最近Bob林盛斌9個月嘅囝囝林道申患上嚴重濕疹,身為爸爸嘅Bob非常心痛,仲話「寧願佢啲濕疹十倍咁生喺我度都唔想見到佢咁陰功」!為人父母都一定明白佢嘅感受,網民就提供咗7大紓緩濕疹嘅偏方比Bob,當然方法不是人人適合,使用偏方前先徵詢家庭科醫生意見。

濕疹
Bob囝囝患上嚴重濕疹

1|芫荽水

最多人介紹嘅偏方係芫茜水。方法係買1斤芫茜,連埋芫茜頭洗乾淨,加水煲45分鐘,然後落一茶匙鹽。等啲芫茜水變暖就用嚟沖涼,留意芫茜要整爛變蓉,用啲芫茜蓉嚟卒身,據說1星期左右就會明顯轉好。

但亦有網民建議可以先試左係手仔睇下反應如何,如果BB無出現任何反效果就可以用芫茜水沖身。

濕疹

2|冬瓜汁生榨

冬瓜含有豐富維他命C及鉀質,清熱解毒,利水消腫,生榨冬瓜可以保留天多維他命C,對紓緩濕疹有一定幫助。材料只需要青皮冬瓜同水,做法係將青皮冬瓜連皮切粒,然後將切片冬瓜加水放入攪拌機攪拌成汁即可。

詳細分享:四個冬瓜食譜 利尿瘦身紓緩濕疹都有效!

濕疹

3|金銀花

有網民就話可以用「金銀花」煲水沖涼,使用「金銀花」沖涼嘅日子唔好用任何沖涼液,但注意沖涼次數不宜太密。

亦可以用金銀花焗茶、煲水內服。不過由於金銀花藥性偏寒涼,患上寒證、虛證或脾胃虛弱人士必須慎用,而對於體質偏熱人士,這些食療亦不宜長期飲用,只可在身體不適時按需要服用。在服用中藥之前,建議應先徵詢中醫師意見。

濕疹

4|新鮮蘆薈

濕疹患者可以用蘆薈肉直接塗於患處,症狀較為嚴重嘅可以將蘆薈肉塗於患處後,用紗布棉墊蓋上固定,每日換一次。蘆薈有消炎、止癢、收斂等嘅作用,有助濕疹痊癒。

5|片糖煲大煲水,等到暖暖地浸浴、用綿花代替毛巾抺身

有網民就建議可用少許片糖煲大煲水,等到暖暖地然後浸浴、以及用綿花代替毛巾抺身。片糖有滋潤皮膚的功效,不過殺菌力較弱,無法解毒清熱,對冬天乾燥型濕疹比較適合。

6|麥皮浸浴

麥皮浸浴係好多外國網民嘅偏方,用純麥皮加水浸浴有一定嘅止痕作用。麥皮浴嘅時間不宜超過10分鐘,溫度不能過高,一般維持與人體溫度相約便可,大約37度即可。

7|毛巾包冰粒

有網民就話囝囝濕疹發作痕癢嘅時候,可以用條毛巾包粒冰慢慢敷有濕疹地方,舒緩痕癢症狀。

延伸閱讀:

無需運動無需節食 一個月內不吃這8種食物 輕鬆瘦身成功