ft pic

〈叉燒包〉有人buy 胡杏兒喪跳搏盡怕被out

一首〈Someone like you〉令胡杏兒紅爆內地,好唔好聽就見人見智,最低限度要讚下杏兒夠勇,連Adele都敢挑戰!唱完Adele,杏兒在內地節目《跨界歌王》繼續挑戰高難度歌曲參賽,之前唱張信哲名曲〈愛如潮水〉慘淡收場,連大台都冇資格上,於是有請小鳳姐首〈叉燒包〉啦,竟然俾佢止到蝕,內地網友仲讚杏兒唱歌跳舞都掂添!

延續閱讀︰

關禮傑索女成長記

是旦噏勁高質 林海峰狂爆金句

節目仲有幾集就完,杏兒要成功晉級唔使out,真係要出盡飲奶力表演先得喇!星期六(16日)晚最新一集,杏兒會以一身黑白格仔look上陣,以杏兒model身形,視覺上確係冇得輸!

可能杏兒唱得太好,或者個look太殺食,連節目主持都忍唔住走去同杏兒跳返part舞!不過無論杏兒晉級還是被out,佢今日已經同老公飛咗去英國放暑假,順便努力造下人,咪淨係掛住賺人仔喇!

全文完