《一屋老友記》收視勁，福將歐陽Bobby當然功不可沒，但一班配角其實都好搶鏡！尋晚講到細寶表面上係廢青，讀完大學後乜都唔願做，寧願搞下音樂唔正正經經打工，激死幾個阿哥家姐！飾演細寶嘅張彥博，原來真係識音樂，曾經以樂隊《赤子》身份出道，又參加過內地音樂節目，近年讀完藝訓班後主力拍劇，好多劇都有佢份㗎！

其他文章：

必睇33C阿雪寫真

疑似舊愛曝光 吳若希男友急發聲明澄清

尋晚講細寶原來好有理想，可惜屋企人唔明白，成日鬧佢冇出色，只有依蘭同白樺清楚細寶有幾熱愛音樂。

咪以為細寶揸住支結他做樣，其實張彥博精通鋼琴結他等樂器，05年同馮嘉輝、伍德耀組成樂隊《赤子》，可惜4年後便解散；後來張彥博與Boy’z成員張致恆(Steven)孖住玩音樂，不時為教會出騷，更識到王祖藍、鍾舒漫、馮允謙等教友。12年參加上海東方衛視的歌唱比賽《聲動亞洲》，曾與李克勤合唱〈紅日〉！

可惜張彥博始終未能靠音樂打響名堂，唯有轉戰電視台，14年藝訓班畢業後，即有機會拍劇。第一套係《老表，你好hea！》夾band，有份同謝安琪同場；《東坡家事》做過歐陽震華個書僮「高貴」，《EU超時任務》同朱千雪做同事。現時兩套黃金時段劇集《一屋老友記》及《完美叛侶》都有份！

《一屋老友記》入面，張彥博戴住眼鏡似足後生版Joe Junior，今年10月即將36歲、天生一副baby face嘅佢其實激似小豬羅志祥，仲有人話佢似郭富城添！

全文完