fan

《一屋老友記》擬開舞台劇 定欣驚Bobby爆肚

歐陽震華(Bobby)、胡定欣、呂慧儀、張彥博、羅蘭、劉江等到海洋公園宣傳《一屋老友記》,講到Bobby希望劇集變成舞台劇,定欣說:「好喎,相信呂慧儀同滕麗名喺舞台應該會好嘈,我自己都未做過舞台劇,呢個提議好,以前啲劇收視好就開續集,我哋就開舞台劇,幾新穎,喺舞台又係另外一種感覺,最驚係Bobby爆肚,平時都已經招架唔住,如果喺舞台NG點算,真係要考執生。」

其他文章:

眾演員大玩機動遊戲重拾童真,尤其最like旋轉木馬,徐榮更抱着女兒心怡玩餐飽,心怡白雪雪好可愛,坐在爸爸懷中表現興奮!

合作好開心

Bobby表示跟其他演員合作得好開心,笑言真係好似一家人,所以先提議劇集製作成舞台劇,咁就可以齊齊繼續合作演出。

張彥博中獎

騎完木馬後,眾人去玩掟波波,個個玩到依嘩鬼叫勁開心,細寶張彥博掟中毛公仔,認真好眼界!

全文完