01

《不懂撒嬌》暖男王浩信 六大經典角色逐個睇

近日 王浩信 在《不懂撒嬌的女人》中扮演暖男Saving冧爆全城女觀眾,其實33歲王浩信加入TVB九年,亦演過不少經典角色,如《名媛望族》中被劉松仁狂摑13巴的二世祖Jimmy,《樓奴》中首次擔正的超級宅男樓耀明,以及《EU超時任務》入面的村長渠頭等,都成功令觀眾留下深刻印象!以下六個王浩信的角色,你又最鍾意邊個?

2012年《名媛望族》 「兜巴信」響朵

A1
王浩信自08年開始入TVB拍劇,但一直做配角,直到2012年拍《名媛望族》,做劉松仁個仔、馬國明細佬Jimmy,劇中他被劉松仁怒摑13巴,成為不少網民的惡搞片段,之後在《法外風雲》,王浩信同樣被謝雪心怒摑23巴,從此多了個「兜巴信」封號,佢仲話被劉松仁打到顎骨移位,要去睇醫生!

 

A2
劇中佢衰到搞大妹仔李思欣個肚,跟住仲逼佢墮胎,好在佢最後知錯能改,最終同李思欣修成正果。

2015年《樓奴》 處男擔正

B1
撞正無綫小生荒,王浩信迅速上位,在《樓奴》中擔正男主角,扮演孭住一身樓債的超級宅男,引起港人共鳴。

 

B2
劇中王浩信和李施嬅由同屋住變成歡喜冤家,同時又被下屬岑麗香玩暗戀,兩個都咁靚女,真係恨死唔少真正宅男!

2015年《東坡家事》 古裝照剝

{"IPTC-DATA":"NMG","data":{"photoID":2347108}}
可能王浩信個樣太現代化,好少見到佢拍古裝劇,除了2010年在《公主嫁到》客串過奸角宇文傑,之後就是在這套《東坡家事》中拍住歐陽震華,飾演風流才子秦少遊,仲同黃心穎做一對。

 

C2
操得咁弗梗係要經常騷吓Quali,劇中王浩信就要演出多場摔跤戲,瘋狂晒肌!

2016年《EU超時任務》 叫好叫座

D1
《EU超時任務》可說是王浩信近年的代表作,劇中他飾演主角圍村村長渠頭,角色和Saving頗相似,同樣係爛撻撻暖男,雖然在台慶爭視帝輸了給陳展鵬,但憑住對朱千雪的深情演技,獲網民激讚,收視亦高達30點,成為去年最高收視劇集。

 

D2
劇中有一幕要王浩信剝剩底褲通街跑,睇嚟佢為做男一真係搏到盡!

2016年《致命復活》 鬥郭晉安

E1
王浩信在《致命復活》飾演郭晉安下屬Max,有份間接害到佢被人綁架禁錮十年,因此對郭晉安言聽計從,幾乎喪命!

 

E2
劇中王浩信周旋在譚凱琪和何雁詩之間,最終譚凱琪慘死,何雁詩亦差啲永遠變盲妹,勁慘情!

2017年《不懂撒嬌的女人》 俘虜女人心

F1
熱播中的新劇《不懂撒嬌的女人》入面,王浩信飾演有結婚恐懼症的暖男Saving,同唐詩詠(Cherry)之間互動超sweet,成功俘虜所有女觀眾的心,即時人氣急升!

 

F2
劇中王浩信彈結他冧唐詩詠,唔係得個樣㗎!原來王浩信係做歌手出身,仲出過兩張唱碟,之前仲為《致命復活》獻唱過主題曲〈不可告人〉,攞過勁歌金曲獎!