《人在邊緣》六大精采必睇位

《人在邊緣》六大精采必睇位

《人在邊緣》六大精采必睇位

《人在邊緣》於今晚深夜12:15am開始重播,該劇於1990年首播,係「明福俠」黎明爆紅之作!當年只有24歲嘅黎明演叛逆青年,加埋鮮肉青靚白淨樣,真係迷倒唔少女fans!除此之外,劇中雲集眾多好戲之人,包括影帝劉青雲、視帝黎耀祥、廖啟智、林文龍、吳浣儀、陳法蓉、黎美嫻及已去世嘅羅慧娟,陣容超強!

(左起)陳法蓉、黎美嫻、羅慧娟、黎明

如欲率先接收資訊,請讚好我們的FB專頁並於「已讚好」選單設定「搶先看」,多謝支持。

網址:www.facebook.com/orientalsundayhk

索上加索 香香變靚實錄

潘紹聰爆料 羅姓男星車頂現靈體

 

必睇位一黎明鮮肉露點

黎明於劇中演古惑仔阿龍,因犯事被判入勞役中心,而係阿龍表兄弟嘅懲教署職員劉志光(劉青雲),為令阿龍改過重回正道,刻意罰佢跑圈同做一百下掌上壓!當時黎明除衫只穿短褲於操場喪跑,期間又露點,嘩,鮮味十足!

 

 

必睇位二黎明古惑look

黎明雖然係主角,但最快於第三集以古惑仔阿龍角色現身!為保護靜宜(羅慧娟)及敏華(黎美嫻)免受其他古惑仔騷擾,出面講數!而視帝黎耀祥當年演人哋馬仔,至於演技略嫌浮誇。

 

必睇位三黎明憔悴look

阿龍雖然屢犯事,及後更受傷入院,但女友靜宜依然不離不棄;而阿龍其後再被判入獄,黑眼圈憔悴look真係令fans好心痛!

當年流行白tee攝入褲中再襯波鞋,依家睇番真係好土!而黎明呢個情深款款握住羅慧娟隻手嘅大叔樣,其實又演得幾深情!

 

必睇位四 又玩殺人全家

阿龍爸爸鄭細鳳(方剛)突然想強姦姨仔雪娥(吳浣儀),因姦不遂更想殺人全家,令原本心地善良嘅偉賢(廖啟智)為保護太太一家五口,決定跟對方搏過,仲拎住支槍指對方!

 

必睇位五 開槍互片

志基(林文龍)見利忘義,為錢害死多條人命,包括阿龍爸爸細鳳,阿龍及後報仇,跟對方開槍駁火!

 

必睇位六 青雲啜爆黎明

了結志基後,阿龍負傷趕往教堂與靜宜結婚,期間流血不止,危在旦夕!志光見狀即為阿龍人工呼吸,青雲與黎明兩大影帝當年親身上陣堅咀對咀,真係交足戲!

 

故事大綱:

娥(吳浣儀)早年為救家人,誣陷鳳(方剛)殺人,鳳不忿被冤枉,越獄而逃,失去蹤影。十八年後,娥長子光(劉青雲)長大成人,任職懲教署,與女唱片騎師玲(陳法蓉)共墮愛河。而鳳之子龍(黎明)則誤入歧途,被判入勞役中心,重遇光。龍故意與光為難,光有愧當年母親所為,細心引導龍回歸正途,重重波折後,龍終諒解光,二人和好,龍更與光妹宜(羅慧娟)相戀!另一方面,鳳重回香港尋找兒子,娥幼子基(林文龍)利慾薰心,先殺鳳養子偉(戴志偉),更冒認是鳳之子,藉此掌握黑幫勢力,無惡不作,還為滅口而錯手殺死娥。光見基喪心病狂, 決大義滅親,與龍聯手對付基。

 

全文完

 

如欲率先接收資訊,請讚好我們的FB專頁並於「已讚好」選單設定「搶先看」,多謝支持。

網址:www.facebook.com/orientalsundayhk