FARM1

《嘩鬼上學去之農夫篇》第一集 五大惡搞事

相信大家剛剛睇完第一集《嘩鬼上學去之 農夫 篇》,都一定同我一樣笑到肚痛吧!估唔到佢哋兩個無咗DoDo姐加持,都一樣咁好笑,即使第一日到步已經不停有無厘頭搞笑事發生,真係令人好奇英式留學生活係咪真係咁開心!無睇?即刻幫你為第一集內容Gag位來一個大解構,回顧 農夫 留學初體驗的蝦碌搞笑位!已經睇咗?齊齊笑多次啦!

原文:GOtrip

延伸閱讀︰

《嘩鬼上學去之農夫篇》五大爆笑位

《律政強人》邪花李佳芯洗底演律師

陸永、C君齊齊做留學生,話「好掛住中學無憂無慮的生活!」
有網民表示「分唔到着咗校服嘅C君同快必」

寄宿名校大起底MOUNT KELLY COLLEGE

成立於1877年,位於英國西南部小鎮Tavistock,校舍外形莊嚴傳統,而且鄰近達特摩國家公園,所以同學仔經常都可以親親大自然。學校注重學生多元發展,課外活動超豐富,尤其游水最出色,除了被Telegraph評為「英國10大最好的Boarding School」,更稱得上是英國游泳隊的選手搖籃,現時英國代表隊選手Daniah Hagul便是該校Year 12學生!

由倫敦市內出發到Tavistock,至少要4小時車程,難怪農夫話好似俾人「賣豬仔」,想走都唔得!
現時英國代表隊選手Daniah Hagul便是該校Year 12學生!

惡搞一 | 探訪女生宿舍

二人去到宿舍,簡單認識環境後,向同學仔提出第一個提出要求,竟然係「探訪女生宿舍!」

C君主動開口查問,「女生宿舍在哪兒?」
去到女生宿舍門口,又扮晒男女授授不親。
登堂入室,陸永大讚同學靚女,C君就明知故問「男仔入唔入得嚟⋯⋯」

惡搞二 | 調戲校服部職員,厚顏扮劉華

第二站去校服部揀校服,原來寄宿學校不同課堂都有不同服裝,二人揀衫之前不忘調戲女職員,一個自稱劉華、一個話自己係Jackie Chan,人哋都無佢咁好氣!

一口氣試足 6 款造型,在日後的幾集入面都會陸續登場(蘇格蘭裙除外)!

惡搞三 | 矇眼美術堂畫畫變嗌交

究竟在英國上堂,同香港有咩分別呢?農夫試完話俾大家聽,真係好大分別!就以美術堂為例,香港注重藝術技巧的訓練,在Mount Kelly College反而會同大家玩矇眼畫畫,鍛鍊團隊精神,實在太有創意!陸永C君話晒都組團農夫超過15年,以為一定難唔到佢哋,點知真係出晒事!事關陸永搞笑癮發作,C君完全唔明指令,最終當然係鬼畫符啦!

陸永向C君形容繪畫的形狀,二人卻無厘頭唱出陳曉東的《結他》歌詞出來: 「結他劇烈帶引我倆快脫軌 舞姿彷彿似兩個急轉硬幣。」

不過陸永指令勁好笑:「哇!你畫得好好呀!隻貓畫到好似狗咁;隔離仲有個花樽,點解你畫到寶礦力咁?」最後令C君畫到扯晒火,連老師都出馬叫佢正經啲!最後?兩幅畫當然都一塌胡塗,由迫老師將「畢加索」名畫貼堂,結果只係得到老師評價F級,理由係「睇唔到合作精神」!

陸永對講極都唔明的C君差啲發火,實在好唔耐煩咁問C君,「你聽唔明廣東話?」
同學仔畫得好開心,而且合作得好過農夫好多!
失敗作,竟然自已起題「畢加索」
老師表示無奈,但好強調要「鼓勵」拍檔。

惡搞四| 數學&拉丁文 口花花收買老師

去留學,當然都要了解吓當地的讀書課程!農夫兩子就嘗試上全英數學堂同拉丁文堂,面對小學雞Maths就當然難唔到佢哋,C君話最難適應其實係全英文教學!

陸永本身數學唔好,估唔到小學算術堂都一塌糊塗,最難原來係Open-ended Question!計完一輪原來老師話「過程最重要」,令到陸永唔知好嬲定好笑:

「鬼馬啦你!」「大家咁話啦!」
俾人讚靚女,老師果然風騷得嘴角含春。

上拉丁文時,C君就率先問同學仔「靚仔」「靚女」點讀,老師一入場就即口花花讚老師,原來係策略,等老師唔好為難佢哋,厲害!上堂時C君更成功憑小聰明估到拉丁文中「octō」是代表數字「8」,老師都不禁要俾個「叻」佢!

惡搞五| 花絮篇--雀局會友 宿舍「文化交流」

農夫坐咗勁耐車終於去到學校,一落車立即去宿舍,以為想休息?錯!係打麻雀,因為要收買人心喎!農夫在節目中懶醒俾貼士,話同學仔如果怕宿舍新朋友難相處,一定要作深文化交流,搞爛Gag教廣東話已屬低手表現,反而打麻雀最容易融入團體,「麻雀邊打邊吹水,打賭贏咗叫可以叫佢做你手下,好化算」,點知外國朋友仔鬼咁醒目一點就明,即使農夫集精匯神,陸永仲心思思想出古惑,可惜都係一句「食糊」慘被KO,不過氣氛超融洽,監製都讚農夫搭訕係有一手,值得學習!

農夫諗住出古惑,超簡單講完規則,連食糊點食都唔教人就立即開波,好彩監製出手幫忙!

番外篇:校長都唔放過,照玩!

下集預告:玩人慘變俾人玩 污糟泥漿體育堂

全文完