《巨輪II》向黑幫低頭 信頹晒避走沖繩

《巨輪II》昨晚劇情講到信(蕭正楠)原本打算唔向黑幫大佬Terri(徐榮)低頭,點知對方不擇手段,除騷擾信公司員工,又要脅將壞餅製造片段公諸於世,為免影響公司聲譽及員工飯碗,信最後屈服!此事後,令原本雄心壯志的信即時頹晒,更向英(田蕊妮)表示想摺埋公司!

延伸閱讀:

《巨輪II》Rachel Sam重遇最感人

「佛地魔」劉思希再現《巨輪II》

不向黑幫屈服

信以為搵到已退休警察總局局長撐腰,就同英決定唔向Terri俾700萬掩口費!Terri知道後大發雷霆,仲以恐嚇語氣,叫信等人小心啲,密謀報復大計!

Terri要脅播壞餅片

翌日後,信公司員工不斷被古惑仔滋擾,對此信感憤怒!於公司舉行17周年晚宴上,Terri帶頭踩場,信與英等叫對方離開,Terri當然睬你都傻,仲威脅即場播壞餅片,迫信就範交700萬!

受盡屈辱

信顧全大局,惟有向Terri屈服!Terri收了錢仲未罷休,指信告密令其地溝油倒閉,要信道歉!信認為沒錯不服,更嘗帶英及飛(阮兆祥)逃出魔爪,但不果!為免英及飛受傷,信即使不甘仍向Terri道歉!雖然成功拎返USB手指及製餅倒模工具,但信覺極之屈辱!

頹廢唔想撈

經歷此事,信頓覺世道混亂,是非不分,覺得無論如何怎樣努力都係白費,於是整個人變得極之頹廢!信更向英表示,就算公司做得再好,都會被衰人玩死!而英安慰指信仍有很多事要做,不過,大受打擊嘅信認為呢個世界冇天理,辛苦錢最後都被衰人搶晒!於是向英表示唔想撈,打算摺埋羅信記!

英提議信到沖繩散心

英當然唔會放棄信!英更勸信一定要撐下去,更重提當年信嘅比喻,指做人好似一條繩,繩有好多個結,只要有勇氣去解開,就證明你贏!依家只係輸一局,唔等於一直輸落去,勉勵信堅持夢想!英之後提議信放低一切,去沖繩散心,去找尋夢想之餘,更幫手搵食材,而最重要係搵番真正嘅羅威信番嚟!信接受英建議,去沖繩希望重新出發!

全文完