ft pic

《愛回家》做秘書 Elsa激似Angelababy

無綫處境劇《愛·回家之八時入席》由視帝黎耀祥同毛舜筠兩大老戲骨擔正,可惜未及有馬家撐場嘅《愛·回家》,無論口碑定收視都差少少。不過日前出現咗一個貌似初出道時期嘅Angelababy、飾演黎耀祥秘書Elsa嘅美少女,即刻令網民嗌正,仲話會為咗Elsa晚晚追劇添!

其他文章︰

王喜同居密友明仔重病暴瘦

多圖!33C阿雪寫真有得睇!

其實「Elsa」係「少女標本」成員簡淑兒,12年參加過港姐,可惜16強都入唔到!估唔到一個秘書仔角色令佢成功跑出,真係玲玲師傅都算唔到啦!

判若兩人

簡淑兒12年選港姐時,樣貌冇依家咁標緻,佢曾經解釋當時唔識化妝,搞到扁口扁面五官唔突出!對比下佢以前同依家個樣,又難怪當年會輸俾朱千雪同黃心穎喎!

組少女標本做歌手

做唔成港姐,但簡淑兒照簽俾TVB,間中做下J2台娛樂新聞主持,亦有拍過旅遊節目《3日2夜》,15年與許雅婷(Kabby)、溫心、袁紫僑(Coco)組成「少女標本」,出過一隻EP,打埋算盤都算半個歌手啦!

全文完