最後絕地武士

《星戰》系列懶人包|全面解構 +《星戰8》預告

經典系列《星球大戰》的最新一集《星球大戰 : 最後絕地武士》將於聽日(12月14日)搶先美國在香港上映,繼前年《原力覺醒》票房大賣後再有新作,全球觀眾都引頸以待!雖然宣傳鋪天蓋地而來,不過相信有唔少觀眾對星戰故事其實無咩概念,所以特別為大家解構《星戰》系列中的核心元素及重要人物,入到戲院唔使再問隔離嗰個!

電影時序

根據「星戰之父」佐治魯卡斯(George Lucas)的說法,佢其實早已完成《星戰》共九部曲的故事,不過佢認為電影應該以四部曲的情節作為開端。所以好簡單,如果觀眾想完整地、順時序睇晒《星戰》故事,就應該先睇較近期的三套前傳,再睇番七八十年代的三套正傳,咁就一目了然。

139924-george-lucas

劇情全面睇︰

《星球大戰四部曲︰新的希望》(1977)

anewhopeposter

銀河系中戰亂不斷,莉亞公主帶着邪惡帝國的終極武器 – 死星的藍圖逃亡,前往反抗軍的基地。不過途中被黑武士捉拿,於是向絕地大師Obi-Wan求助。Luke Skywalker無意中發現公主的求救信號,並遇上了年老的Obi-Wan,其後拜對方為師學習原力及踏上絕地武士之路。在「千歲鷹」號的船長Han Solo及大副Chewbacca的協助下救出莉亞公主,並成功摧毀帝國的死星一號。

《星球大戰五部曲︰帝國反擊戰》(1980)

Star-wars-empire-strikes-back-poster

死星一號被毀後,帝國派出龐大軍隊進攻,反抗軍節節敗退。除Luke外,Han Solo及莉亞公主一行人都被黑武士俘虜,Han Solo更被當成試驗品急凍起來。Luke終於跟最大敵人黑武士決鬥,但終究不敵,且被砍斷右手。隨後黑武士說出經典對白︰「No, I am your father.」,揭露二人是父子的真相。黑武士開始游說Luke步入黑暗面,期望父子聯手統治銀河系,Luke決意不從,於是跳下深淵,但大難不死。

《星球大戰六部曲︰武士復仇》(1983)

ReturnOfTheJediPoster1983

Luke得悉莉亞公主就是「另一個天行者」、自己的親生妹妹後,終於被帶到帝國皇帝前,與黑武士最後一戰,成功砍下對方的機械手。幸好Luke最終都能抵抗黑暗面的誘惑,放過自己的父親。但皇帝認為Luke再沒利用價值,意圖用原力閃電殺死佢。此時終於醒覺的黑武士為拯救兒子,將皇帝從高塔拋下,不過亦犧牲了自己。失去了皇帝的帝國被反抗軍所滅,宇宙再次得到和平。

《星球大戰前傳I:魅影危機》(1999)

swpmpicture

雖然時序上係第四部《星戰》電影,不過按劇情就係第一集。講述絕地大師Qui-Gon Jinn與其徒弟Obi-Wan被派擔任使節,協助女王Padme逃離星球,解決星際間的衝突。期間巧遇擁有強大原力的年輕奴隸Anakin Skywalker,決定招收佢為學徒。另一方面,擁有強大黑暗原力、謎一般的西斯大帝再次回歸,Qui-Gon與西斯大帝的弟子赤武神決戰,但不敵被殺。憤怒的Obi-Wan最後將赤武神腰斬,為師報仇。Obi-Wan終獲得絕地大師頭銜,Anakin則成為其徒弟。

《星球大戰前傳II:複製人侵略》(2002)

Aotctpb

講述銀河中出現一班分離主義分子企圖分裂共和國,其領導者就是前絕地武士Dooku伯爵。Anakin和Obi-Wan全力保護女王Padme,同時共和國議長白卜庭正式宣布動用複製人大軍保護共和國,複製人戰爭正式展開。絕地武士同Dooku伯爵的機械人軍團激戰後死傷慘重,Dooku伯爵在決鬥中砍下Anakin的右手,然後回到西斯大帝的身邊。Anakin裝上機械手後,同Padme在湖邊秘密結婚。

《星球大戰前傳III:黑帝君臨》(2005)

Star-Wars-Episode-III-Revenge-of-the-Sith-2005

白卜庭議長終表露佢真實身份就係邪惡的西斯大帝,Anakin終究抵受不了黑暗力量的誘惑,成為西斯大帝的門徒。西斯操縱複製人軍隊,將絕地武士及共和國勢力趕盡殺絕,推翻共和國後自立為帝國皇帝。在師徒終極對決中,Anakin被Obi-Wan砍斷手腳,且被溶岩爆傷全身。被西斯大帝救活後,被安裝在一套黑色鎧甲和戴上頭盔,正式成為邪惡的黑武士;而Padme就在誕下孖生兄妹Luke及莉亞後死去。

《星球大戰:原力覺醒》(2015)

帝國覆亡後,第一軍團一直想通緝消失於人前的Luke Skywalker,而今集主角之一的白兵Finn拒絕屠殺無辜人民,並在一次突襲行動中逃離軍隊,放走被俘虜的反抗軍飛行員Poe Dameron。隨後,Finn與拾荒女孩、女主角Rey相遇,在逃離第一軍團嘅追殺途中,兩人掌握住Luke所在地的重要線索,並遇重要角色Han Solo,在Han Solo的指引下,Finn同Rey心中的責任感同宿命感漸漸燃起,並激發Rey身上絕地武士嘅能力,對抗第一軍團。最後Rey爆發原力用光劍重創第一軍團武士Kylo Ren,並將光劍交到隱居的Luke手上。

《星球大戰:最後絕地武士》2017年12月14日上映

故事緊接《星球大戰:原力覺醒》之後,Rey透過地圖搵到隱居的Luke Skywalker,並學習點樣使用喺佢身體入面覺醒的原力,Rey的力量甚至強大得令Luke亦感到震驚!另一方面,Kylo Ren就喺第一軍團同佢媽媽莉亞帶領嘅抵抗勢力持續交鋒。Finn、Poe Dameron同Chewie都將參戰 ,而第一軍團嘅幕後首領Snoke嘅真面目亦即將揭開。

預告片中又見到大量Leia同Kylo Ren嘅鏡頭,面對丈夫Han Solo嘅離世,而兇手竟然係兒子Kylo,到底Leia會點樣處理兩者之間的矛盾?而另一邊廂,Kylo好似性情大變,唔止見佢一手將自己嘅面具擊碎,佢仲開始以真面目參與行動,到底佢要改邪歸正,定係另有企圖?

 

在預告片尾,Rey好迷惘咁話希望有人告訴自己到底是甚麼、到底使命是甚麼 (I need someone to show me my place in all this),之後Kylo向佢遞出手,似乎兩人會冰釋前嫌,一同踏上新的旅途?

核心元素

絕地武士 Jedi

要認識星戰就當然要識絕地武士(Jedi)。佢哋係星戰世界中的正義武士團隊,以維持銀河的秩序為己任。佢哋精通與原力相關的知識,以激光劍為武器,懷有高明的戰鬥技能與高尚的品德。

jediorder

原力 the Force

urlDarth-Sidious-Dark-side-of-the-force-darth-sidious-25427326-1280-544

星戰電影中經常提到原力 (the Force),被設定為一種超自然、無處不在的神秘力量,同時擁有正和邪的對立面,正邪兩派都希望能駕馭的力量。如果要講得比較實體化,就係Jedi可以運用原力隔空取物、大幅增強彈跳力;而邪惡人物就可以從雙手放射出黑暗雷電攻擊。

角色介紹︰

Rey (黛絲烈妮 Daisy Ridley飾演)

《原力覺醒》中的全新角色,亦是星戰首次以女性為主導。Rey係一個星球上的拾荒者,自5歲起一直在等待家人出現 – 雖然佢對親生父母一無所知。《原力覺醒》講到佢童年時期被留喺賈庫星上,但當佢執到抵抗勢力王牌飛行員Poe Dameron嘅機器人BB-8,並遇到一心想脫離第一軍團嘅帝國風暴兵Finn,佢就開始捲入第一軍團同抵抗勢力嘅戰爭之中,最後仲將光劍遞出要還俾Luke。

Finn (約翰保也加 John Boyega飾演)

《原力覺醒》中另一主角,原本佢係一名編號FN-2187嘅白兵,不過自從參與咗第一次戰鬥任務之後,佢感受到戰鬥嘅殘酷,於是佢就聯同Poe Dameron逃離帝國,轉投正義陣營,同Rey並肩作戰。《原力覺醒》中,佢最後昏迷被送去療傷。

john-boyega-as-finn-in-star-wars-the-force-awakens

maxresdefault

 

《最後絕地武士》中,未見到Finn同其他戰友一齊,有人認為佢似乎進行緊秘密任務。另外又見到Finn今集有新武器,同佢前度上司Captain Phasma決鬥!

Kylo Ren (阿當戴華 Adam Driver飾演 )

star-wars-the-force-awakens2 HT_star_wars_force_awakens_trailer_02_jef_150416_4x3_992

本名Ben Solo,係Leia Organa同Han Solo嘅兒子,佢接受舅父Luke Skywalker的訓練,但後來墮落至原力黑暗面。Kylo為黑武士的忠實追隨者,喺《原力覺醒》中佢對住已經破爛的黑武士頭盔,講咗一句「I will finish what you started(我將完成你的使命。)」,顯然係要完成黑武士的遺志。Kylo Ren連外形都有幾分似黑武士,全身作黑色打扮,帶住頭盔,同樣手執紅色激光劍。

Luke Skywalker

Luke Skywalker係星戰正傳三部曲的主角,係Anakin Skywalker、即黑武士之長子,在Obi-Wan的教導下踏上原力之路。與黑武士對戰時被砍掉右手,不過其後成功擊倒黑武士,成功推翻西斯大帝的帝國,重建共和。

landscape-1445356666-star-wars-luke-skywalker-tatooine

Lukeonskiff

來到新三部曲,劇情講述成為絕地大師的Luke本來繼續訓練絕地武士學徒,但其中一名學徒(即是Kylo Ren)墮落至黑暗面,背叛Luke並殺害了其餘的學徒,於是便自我放逐遠離世事。

Han Solo

星戰正傳三部曲另一重心人物,千歲鷹號(Millennium Falcon)的船長。本來係一名惡名昭彰的走私客,後來結識Luke和Obi-Wan等人,協助拯救莉亞公主(Luke之妹妹),加入反抗軍的行列。其後在戰鬥中跟莉亞公主互生情愫,二人在推翻帝國後結婚。

kn4a2jpbnuueauex2aew

star wars a new hope 1_edit-xlarge

 

不過Han Solo喺《原力覺醒》中被兒子Kylo Ren親手以光劍刺死,傷心死星戰迷!

disney-just-released-a-new-star-wars-episode-vii-trailer-and-its-incredible

Obi-Wan Kenobi

絕地大師之一,本來是Anakin的師傅,兩人情同父子。可惜其後Anakin墜入黑暗,師徒二人反目成仇,Obi-Wan更將佢打至重傷。Anakin成為黑武士後,Obi-Wan便一直隱居,直至Luke的出現。

Obi-Wan-Kenobi-obi-wan-kenobi-29216774-443-648

Obi-Wan-Kenobi-obi-wan-kenobi-29217943-1914-815 max-von-sydow-obi-wan-kenobi-700x525

黑武士/ Anakin Skywalker

黑武士喺不少星戰迷心中都係神一樣的存在,佢本名Anakin Skywalker(我哋成日聽到的天行者),本來係正義的絕地武士,Obi-Wan的徒弟。後來被西斯大帝引導至黑暗面,被黑暗力量控制心智。

Anakin-Skywalker-hayden-christeon-33599713-449-620

Anakin_Skywalker_RotS

Vader1

 

在最後決鬥中被師傅Obi-Wan斬斷手腳,而且被溶岩燒傷全身,被西斯大帝救活後穿起盔甲和戴上頭盔,成為邪惡的黑武士。

Ani01

darth-vader-10-most-dangerous-star-wars-villains

白兵

除咗一眾主角之外,星戰最常見的就係白兵。其實佢哋係一支複製人大軍,本來係共和國製造出來以協助Jedi維持宇宙間的秩序。但後來共和國被西斯大帝控制,白兵大軍則被用作大舉屠殺Jedi,以及對付其他反抗勢力,可以話係「由忠變奸」。

b7412428f727b0c436ca4617ca5ec96e

{"IPTC-DATA":"NMG","data":{"photoID":2342772}}

激光劍 Lightsaber

激光劍係絕地武士的專屬武器,同時是原力使用者的象徵,更可能係大家對星戰的第一印象。激光劍以不同水晶打造,再注入擁有者的力量,故會有不同的顏色。雖然星戰出現過的激光劍甚多,不過主要來來去去都係幾種︰奸角就係紅色劍,絕地武士就大多係藍或綠。

star-wars-esb-luke-darth-duel

構造大概係由金屬劍柄射出類似激光的物質,凝聚成約一米長的劍刃,基本上可切斷任何實體物質,斬人易過切菜,所以幾乎喺每一集星戰都會有切斷手腳的鏡頭。不過由於傷口即時被激光劍燒焦,所以從來都唔會有大量噴血的血腥鏡頭。

luke skywalker hand Screen-Shot-2015-03-09-at-1.03.37-PM-e1425931549142

同現實中的劍一樣,每把激光劍的劍柄都有不同的設計,不過都係大同小異。但就有以下幾款比較特別,而且全部都係奸角的激光劍。唔通真係正義之士都比較簡樸?

Kylo Ren – 十字架式

Star-Wars-Sith

奸角Kylo Ren的十字架式激光劍令人留下深刻印象。雖然睇起來好厲害好威武,不過戰鬥時的作用就有所保留…有唔少觀眾都擔心Kylo用劍的時候,會被左右的兩束激光整傷。

赤武神 – 雙刃劍

Darth_Maul_lightsaber_reveal

赤武神(Darth Maul)係《星戰前傳I》的大反派,係首個會用雙刃激光劍的角色,技術高超。當年此劍一出惹來唔少批評,認為係畫蛇添足之舉。

Dooku伯爵 – 柺杖型

ref1-16495

Dooku伯爵係《星戰前傳》二及三集都有出現的奸角,係前絕地大師,不過其後轉投黑暗勢力。佢用的激光劍劍柄微微屈曲,優雅的外形甚似一枝柺杖,襯托返佢伯爵的身份。

 

關鍵詞
星球大戰