《殭》報兄弟仇 阿刑爆發變超級不死人

 

《殭》中阿刑(鄭嘉穎)呢幾晚變返做普通人,但為應付一鳴(林偉)挑戰,繼續練功希望可以博偷雞!昨晚終於同一鳴展開激戰,偷雞唔成仲被打至重傷!雖然期間女友夢南(謝安琪)幫手,但都只有捱打,幸好兄弟應天(關禮傑)擋住,不過都被一鳴殺死!為報兄弟被殺之仇,阿刑因怒火激發體內潛能,成功做返不死人,仲要係超級嗰隻,最後砌低一鳴!咦喂,呢幕令人聯想到卡通《龍珠》中,因好友無閑被菲利殺死,孫悟空又係因憤怒而變身做超級撒亞人喎!

 

阿刑單刀赴會

阿刑隻身跟一鳴對決,處於普通人狀態當然不敵啦,幾招被打到瞓低,而一鳴表示為令阿刑回復功力,居然想咬對方變做殭屍,咁可以打得痛快啲!

呢個時候,夢南殺到,但都係被打到瞓低!

危急關頭,天趕到,更表示兄弟有難一定幫手,而阿刑心知天非一鳴對手,叫佢離開!天當然唔會咁冇義氣,決心跟一鳴戰鬥到底!

二人旗鼓相當,一鳴使出絕招,一刀劈落天頸部,天即流血不止!

如欲率先接收資訊,請讚好我們的FB專頁並於「已讚好」選單設定「搶先看」,多謝支持。

網址:www.facebook.com/orientalsundayhk

延伸閱讀:

準備爛尾?《殭》突現膠爆情節

《殭》結局率先睇

 

穎兒見天被殺 心如刀割

天雖然係不死人,但劇中設定不死人都會死,因為佢哋都係人及只係長生不老,如果被擊中要害如頸或斬首,心臟都會因此而停頓後死亡!所以,天為兄弟甘願犧牲性命,真係好偉大呀!不過,剛同天發展嘅穎兒(劉佩玥),見天被殺跌落街呢幕,悲痛欲絕!

天臨別前跟兒說:「今年冬天陪唔到你返東北食酸菜白肉…」嗚嗚嗚,睇見都好想喊…

兒望上天台,見殺天兇手係一鳴,義憤填胸!

 

阿刑變身超級不死人

親眼睇住好兄弟被殺,阿刑怒火中燒喪失理智大叫,更因此激發體內潛能,加上早前得夢南輸殭屍血入體內,功力大增變身做超級不死人,發光紅眼珠好似噴火咁,然後飛去搵一鳴報仇雪恨!

形勢大逆轉,變身做超級不死人嘅阿刑,完全處於上風,幾招就打到一鳴倒地噴血,最後一鳴甘拜下風!

不過,阿刑最後冇殺一鳴,因為上次一鳴俾機會佢去救人,所以留佢一命,但阿刑話唔會有下次!好英呀!

 

神秘人送血救一鳴

阿刑跟兒一齊埋葬天,兒淚崩!阿刑更憶起以前跟天一齊做錦衣衛時說嘅一番話,指要死就死於戰場,最後阿刑以酒送別兄弟,場面動人!

一鳴重傷大難不死,但要瞓街度日,某晚被一班流氓侮辱,一鳴負傷擊退!突然有神秘人送上一樽血,一鳴感激說多謝。

之後神秘人不斷送血接濟,一鳴慢慢復原。

 

兒殺鳴成功報仇

某晚,鳴再遇神秘人,上前問如何報答救命之恩,神秘人即一刀插落鳴心臟,原來正係兒!兒咬牙切齒說:「你死就係最好報答!」點解原本好好打嘅鳴完全冇還手之力?是咁的,原來兒先服下天嘅藥廠研製嘅藥,當藥力滲入血內,就將自己血送俾一鳴飲,藉此令佢功力大減而成功復仇!

 

兒跟天及杰重逢

兒自知命不久矣,往天墓地希望可以跟對方永遠在一起!期間兒已神志不清口吐鮮血,臨終前見番一個女孩,原來對方係好多年前被佢販賣人口時嘅姐姐,兒心感內疚痛哭!最後兒重遇應天父子,安然離世。

圖片:myTV截圖

如欲率先接收資訊,請讚好我們的FB專頁並於「已讚好」選單設定「搶先看」,多謝支持。

網址:www.facebook.com/orientalsundayhk