SUET

《純熟意外》阿雪變邋遢妹 網民撐:女神唔屙屎?

 

阿雪變邋遢妹

《純熟意外》除了睇吳啟華同蔡思貝演出之外,當中女神孫慧雪更係亮點所在!阿雪劇中除演可愛女僕,更打破女神形象演不修邊幅嘅邋遢妹,其中一幕阿雪因為肚痛,整污糟蔡思貝屋企廁所!雖然如此,但阿雪仍獲唔少網民力撐,反問女神唔屙屎?連阿雪亦表示:「我平時都係咁㗎!你呢?」係咯,女神都係人,梗係要屙屎啦!

另外,大家可以重溫阿雪呢個超正圖輯,就知網民點解咁buy!

 

演大懶蟲入型入格

殷然(蔡思貝)返家後,發覺家中擺設好像有點不同,初時覺奇怪,原來好友言愛(孫慧雪)突然現身,而言愛敷mask白晒晒樣嚇親殷然!言愛除了邋遢唔洗衫,搞到冇衫着要穿然嘅衣服,又表示食晒然家中過期食物,之後又不願幫對方拿衣服去洗衣店洗,成個大懶蟲咁!

延伸閱讀:

《人在邊緣》羅慧娟氣質樣貌完勝現今花旦

性感港姐始祖 李珊珊噴血圖集

 

另一幕言愛懶洋洋坐喺然屋企梳化上,表示因為肚痛,於對方屋企廁所開大時,唔小心整污糟廁所,仲搞到臭氣熏天,鏡頭再close up言愛個樣,嘩,一頭亂髮襯個娘爆花花髮夾,阿雪呢次真係完全顛覆女神形象,絕對係破格演出!

 

索爆女僕look

其實阿雪喺劇中都有索爆一面!好似呢個女僕晒長腿look,真係令唔少宅男流晒口水!

 

網民撐:女神唔屙屎?

阿雪咁省鏡,而且都係拍戲,所以大部分網民都力撐女神,不但唔覺阿雪不修邊幅或邋遢,甚至認為咁樣嘅阿雪係最可愛!

 

圖片:myTV截圖

 

全文完

如欲率先接收資訊,請讚好我們的FB專頁並於「已讚好」選單設定「搶先看」,多謝支持。

網址:www.facebook.com/orientalsundayhk