《親親我好媽》學生妹江嘉敏 清純脫俗獲激讚

今個星期首播的無綫劇《親親我好媽》,道出時下香港的種種教育問題,又帶出家庭倫理故事,情節寫實貼地,家長及學生觀眾都特別有共鳴!另外劇中飾演江美儀大女兒嚴茜瑜一角的 江嘉敏 (Kaman) 都成為咗討論重點,網民都大讚佢外形清純脫俗,演技自然到好似做番自己一樣!不過坊間有指Kaman爸爸係做的士司機,所以佢年紀輕輕就要做私影模一事,Kaman就直斥黐線!

撰文:東方新地

《親親我好媽》學生妹

現年22歲的Kaman在劇中飾演江美儀及黃智賢的大女,係一名中六DSE生,喺屋企就係家姐的角色。外形清純脫俗的Kaman演繹得非常自然,呈現出學生妹嗰種「出淤泥而不染」的味道,感覺上佢係完全是代入角色中做自己,難怪成為三大女主角外最搶戲的角色!

演學生妹冇難度

雖然第一次參演無綫劇,但其實Kaman拍攝經驗可不少,好似《女人多自在5》、《沒有牆的世界》及《我的家庭醫生》等港台節目,劇中角色一律都係學.生.妹!所以佢在《親親我好媽》再演學生,完全係駕輕就熟!另外Kaman又參與過14套MV、5套微電影及不少平面電視廣告嘅拍攝! 年紀輕輕已經經驗豐富﹐相信喺呢行一定大有前途!

螢幕快照 2017-02-09 下午12.46.35

螢幕快照 2017-02-09 下午12.50.47
《女人多自在5》劇照
《女人多自在5》劇照
螢幕快照 2017-02-09 下午12.51.19
《女人多自在5》劇照
螢幕快照 2017-02-09 下午1.58.36
<<沒有牆的世界>>劇照
螢幕快照 2017-02-09 下午1.59.15
<<沒有牆的世界>>劇照
螢幕快照 2017-02-09 下午2.00.45
<<沒有牆的世界>>劇照

 

《我的家庭醫生》劇照
《我的家庭醫生》劇照

爸爸唔係的士司機

既然成為網民新寵,Kaman的背景和往事都難免被起底!雖然坊間指出Kaman出身於小康之家,爸爸係個的士司機,所以佢自16歲起就要做模特兒賺零用錢。不過Kaman接受本刊訪問時對此直斥「黐線」,表示自佢出生開始,爸爸從來都冇做過的士司機,亦冇在任何行業做過司機!至於投身演藝的事業的原因,係因為從小已嚮往成為明星,而自己亦相當有表演慾,細細個已經會同媽媽去影樓或者不同地方影靚相,可謂三歲定八十!

想演殺人犯

另外Kaman的學生妹形象深入民心,不過原來現階段佢好想演殺人犯、又或者係可以做奸角呃人,一改戲路!而除了自己最愛的周杰倫外,Kaman亦好希望可以同Do姐鄭裕玲合作!希望可以在對方身上學到如何成為一個出色的主持、講嘢流暢啲、轉數快啲!

「Girlfriendable」好重要

香港的網絡世界可算係「舉頭三尺有神明」,女神男神俯拾皆是,人人都可以係神。而Kaman未必算係大家心中典型的靚女樣,連佢都話唔介意人哋叫佢「肥妹仔」!不過佢勝在清純脫俗,笑容真摯唔造作,如像鄰家女孩一樣。比起乜乜女神,「Girlfriendable」的女孩子,先係王道!

13768165_1

雖然Kaman一向走清純路線,衣着多數密密實實,不過其實佢身材都非常唔錯!叫一眾男士如何可以不愛她……

全文完