ft pic

《談判專家》CP重現 郭可盈孖歐陽震華北上賺人仔

今時今日北上賺人仔已經係港星指定動作,早前憑《一屋老友記》翻hit嘅歐陽震華,前排受湖南衛視皇牌節目《天天向上》邀請做嘉賓,連久未公開露面嘅靚媽郭可盈都有現身,重組當年兩人晌TVB兩套經典劇《談判專家》同《施公奇案》入面嘅最強CP!

其他文章:

《城寨》刁蘭抽水 牙佬動L

唔想見親生父親 林穎彤︰我要保護媽媽

榮升媽咪後嘅郭可盈淡出幕前,專心照顧老公林文龍同囡囡林天若,觀眾都好懷念呢個拍過多套經典劇集嘅花旦。日前郭可盈竟然出山,同Bobby一齊北上為《天天向上》做嘉賓!

46歲郭可盈keep得相當唔錯,節目組要求佢同Bobby扮番當年《談判專家》角色,勸其中一名主持唔好跳樓!Bobby仲即場示範整雞蛋仔俾觀眾食,又要被主持之一嘅大張偉錫錫。睇見Bobby個慘樣,其實人仔堅係唔易賺!

唔講唔覺,兩人對上一次合作拍劇已經係06年嘅《施公奇案》,再對上就係02年《談判專家》,估唔到相隔十幾年,呢對螢幕情侶仲有market!

全文完