雄姐死feature

《跳躍生命線》劇照大賣關子 眾人手執白玫瑰浩園哀悼佢?

無綫劇集《跳躍生命線》自開播以來都成為網民熱話,劇情感人之餘又帶出道理。不過嚟緊劇情暗示有人會死喎!唔通係佢?

撰文:東方新地 |圖片:《跳躍生命線》劇照

《跳躍生命線》劇照大賣關子 眾人手執白玫瑰浩園哀悼佢?

話說喺劇集片頭有一幕係影住大家全黑上陣,手執白玫瑰喺浩園對住個墓碑哀悼,睇返劇照,有卓家傑(何廣沛飾)、麥在田(馬德鐘飾)、常朗天(李霖恩飾)、譚家俊(羅天宇飾)、高行仁(韋家雄飾)、陸昊然(郭子豪飾),甚而連消防及救護學院方Sir(冼灝英飾)亦在場。

《跳躍生命線》

大家認真一望,咦!好似少咁個人喎!咪就係「雄姐」呂劍雄(張彥博飾)!

喺劇照中見到佢五個家姐都有列席,而何廣沛亦都行到最前哀悼,點睇都似係好兄弟雄姐會死。加上《跳躍》都死過唔少人,而劇情都係卓家傑同雄姐由面試、受訓、出班到工作連住,變成感動嘅故事(雄姐死)絕對唔奇。

不過演員們就一於大賣關子,完全唔透露係邊個離世,叫大家繼續睇喎!不過作為觀眾,就緊係唔捨得任何一個演員死啦!