《踩過界》大結局 李佳芯彩蛋離奇現身
原文刊於：東方新地
《踩過界》大結局
前一集講到Ali飾演的Never為尋找第二把兇槍，跟蹤單立文去到山上，經一番糾纏後被豹哥推落山崖！畫面仲見到Ali係直線凌空飛落海… 睇嚟都九死一生！
癲姐GoGo好悽涼
「盲俠」身邊的朋友都好悽慘，蔡思貝被單立文的手下駕車撞至頭破血流，雙腳斷埋瞓醫院。
張振朗則罪名成立入獄，仲得悉愛人Ali的死訊，即時喊到豬頭咁。
盲俠私刑制裁
身邊三位好友的不幸下場令王浩信性情大變，決定以私刑制裁單立文，捉走對方兒子迫使佢單獨見面。不過豹哥一早識破佢計劃，捉埋行動不便的蔡思貝到場，一個盲一個跛，邊夠佢打？期間豹哥仲大大聲承認自己誤殺女兒Yanice (朱千雪飾)，以及將Never推落山。
盲俠癲姐被活埋
一番糾纏後，盲俠身中豹哥一槍倒地，之後同蔡思貝雙雙被活埋，生死未卜！
豹哥殺人直播
正當豹哥以為一切都解決晒，換番套靚西裝去西貢食海鮮，原來盲俠用眼鏡直播晒佢殺人的過程，片段在網上瘋傳。結果張振朗無罪釋放，大奸角鎯鐺入獄！
盲俠前去探望服刑中的豹哥，附送豹哥世界級喊樣！
李佳芯離奇現身
內地版本的《踩過界》中，Ali被豹哥推落山後身亡，四大主角最終未能大團圓結局。不過昨晚香港播出的版本中，出完字幕竟然有彩蛋，Ali突然着到靚一靚咁現身，而另外三人似乎都唔係特別驚訝，四人全程冇講任何嘢，之後就好有型咁一字排開咁行… 完。唔通係大團圓結局，四人準備去BBQ？
常見問題
將來還有什麼演唱會值得留意？
有不少歌手宣布舉辦演唱會，例如：韋禮安、張學友、李克勤、林宥嘉、方皓玟、西九音樂節、五月天、Twins、鄭秀文、鄭欣宜、許冠傑；喜歡K-pop的你亦有福了，Apink、NCT DREAM亦在香港開演唱會！小編為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
香港有甚麼週末好去處推介？
2023年好戲多籮籮，小編為你整合2023電影推薦及3-6月香港電影上映表，無論是港產片、Marvel、卡通片都應有盡有，更附上必睇劇情和彩蛋介紹！除此之外，更可以參觀博物館，例如太空館、科學館、香港藝術館、M+、香港文化博物館等，更為你整合行山路線、野餐地點、絕對是假日消遣的必然之選！
