《陀槍》做滕麗名細妹   39歲梁雪湄G奶再現

《陀槍》做滕麗名細妹 39歲梁雪湄G奶再現

失驚無神問你知唔知邊個係梁雪湄(Koei),相信十個有九個都唔會答得出,不過一講《陀槍師姐》入面做滕麗名細妹「陳四喜」、或者曾經做過N年前電波少女個大胸姐仔,又會有番少少印象啦!當年仲係肥嘟嘟嘅梁雪湄,一臉baby fat,唔經唔覺今年已經39歲,好快就女人四十。近年甚少做幕前,更加係7年冇拍劇,咁梁雪湄其實撈緊乜呢?

其他文章︰

愛.回家之張秀文水着救亡

馬明勇敢表白:鍾意唐詩詠

孭大包潛水

原來佢轉行做旅遊blogger,現時幫E字頭旅遊網站寫blog介紹景點,亦係華星客棧(EO2 Eddie同朱慧敏有份嗰間)股東,其餘時間主力潛水,唔係玩玩下㗎,梁雪湄3年前考到拯救潛水員牌,嚟緊會考埋徒手潛水牌,堅pro!唔係吹水,梁雪湄個ig入面,真係有大量潛水相,雖然件潛水衣包到上頸,但梁雪湄有G奶巨胸做icon,真係幪住塊面都知邊個係佢啦!

愛美神飛彈發射

身材驕人,梁雪湄自己都知要定期晒下先可以保持收視率,所以ig除咗有潛水相,仲有大量美圖益粉絲!驟眼睇,其實梁雪湄個樣有8、9成似黎姿,身材更加唔使講,大家都有一對殺傷力驚人嘅愛美神飛彈!

有料真係唔怕嘥

全文完