《降魔的》「龍貓嫂」黃穎君 原來係中大碩士生
《降魔的》「龍貓嫂」黃穎君
相信大家都仲記得早前大結局的《降魔的》中，飾演「龍貓」的何遠東慘被壓死，之後佢老婆及一對子女趕到醫院，可惜只係見到最後一面。飾演「龍貓嫂」的黃穎君就手抱住個BB女，不斷哭叫「老公你點解要丟低我哋…」
龍貓回魂淚別親朋
之後劇情講到龍貓喺小馬(馬國明飾)及石敢當(胡鴻鈞飾) 的幫助下回魂，回到人間同老婆仔女說再見，劇中係顧家好男人的龍貓可以同老婆再遇，講出一番感人對白，觀眾都深受感動！而龍貓亦坦言老婆年紀尚輕，如果遇到適合的人就改嫁吧！
不過龍貓嫂反駁：「我嫁咗俾你，就係你老婆！」堅決從一而終，最後兩公婆就淚如雨下攬到實一實……
黃穎君 選過2012年港姐
飾演「龍貓嫂」的黃穎君大家可能都比較陌生，原來佢早在2010年就贏過《工展小姐選舉》冠軍，在選舉中獲得多個獎項。兩年後黃穎君參選2012年港姐競選，當時仲有人話佢貌似謝安琪！
不過心水清的網民都知道，2012年呢屆港姐的質素可謂近年最高，三甲張名雅、黃心穎及朱千雪外，仲有湯洛雯、林泳淘、岑杏賢、陳婉衡等多位現時的大台姐仔，所以黃穎君都未能擠身決賽。
原來係中大碩士生
黃穎君落選港姐後加入大台，入行後主力向司儀發展，現時亦係娛樂新聞台主持，所以劇集演出未算太多。同好多港姐一樣，黃穎君的學歷都相當有睇頭，本身是香港大學教育學士及中文大學社會學文學碩士，美貌智慧並重！
向司儀界發展
雖然劇集少啲見到佢，不過黃穎君經常出現於大小商場活動或annual dinner，想必口材了得！
老公是監製
雖然平時少機會見到，不過黃穎君身材都相當不俗，著起晚裝非常吸睛！不過唔好意思啦，黃穎君現實中都同喺《降魔的》一樣已為人妻，老公丘一峯係好受歡迎的J2節目《後生仔傾吓偈》監製！據知黃穎君亦打算自編自導拍攝一些獨立電影，唔知會唔會兩公婆拍住上？
延伸閱讀：堅伸脷舔臉 洪永城嚇到劉佩玥打冷震
常見問題
將來還有什麼演唱會值得留意？
有不少歌手宣布舉辦演唱會，例如：五月天、BLACKPINK澳門站（2月4日預購）、林敏驄、周興哲（1月28日公開發售）、周杰倫、COLLAR、Twins、鄭秀文、鄭欣宜、許冠傑（2月14日公開發售）；喜歡K-pop的你亦有福了，ITZY（2月1日優先購票）和NCT DREAM亦在香港開演唱會！Sundaykiss為你整合了2023香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
如何得知不同生肖在2023兔年感情、財運、事業、健康方面運程？有什麼生肖犯太歲及如何化解？
想知道12生肖於兔年運程如何？希望兔年在感情、財運、健康及事業方面更得心應手？Sundaykiss已為你準備好12生肖兔年運程，讓大家在兔年行個好運！犯太歲的朋友亦不用太擔心，有5大犯太歲生肖要留意小心多變化、多小人及易受傷，特別有2個月份要留意，Sundaykiss 為大家整合兔年5大犯太歲生肖及化解方法。
