sss

《 今晚打喪屍 》白只張繼聰有特別的打喪屍技巧

《 今晚打喪屍 》由張繼聰、白只兩位好兄弟,同靚女顏卓靈、王敏奕,仲有前輩萬梓良與吳家麗合演,將於6月29日上映! 電影海報已經曝光!張繼聰與白只的誇張打扮,同兩個人的鬼馬性格十分相似!最搞笑係,海報中演員拎住香港本土特色的改裝殺喪屍武器:血滴子、雞蛋仔夾、呼拉圈,究竟用洋溢香港風情嘅武器,可唔可以成功擊敗喪屍呢?

白只張繼聰聯手打喪屍

白只早年於《踏血尋梅》中飾演的變態殺手表現出色,今次飾演的角色就同之前大相徑庭,搞笑之餘仲好有正義感!内容講述白只同張繼聰飾演的是兩個行為古怪的「廢青」,日日都會發英雄夢。呢個時候,佢哋最愛嘅動漫喪屍竟然喺香港出現!於是白只、張繼聰英雄夢果然成真, 聯同顏卓靈同王敏奕兩位靚女齊齊打喪屍,拯救城市,由廢青到英雄!

LOUIS BAI

港式武器殺敵

執導《今晚打喪屍》的新晉導演盧煒麟(Alan)今次就讓全體演員拎住武器,chok住影poster,殺氣都唔少啊!今次poster隱約可見主角兩人手持武器,一解觀眾都十分好奇!有睇過原版小說,都知故事中殺喪屍的武器非常本土又獨特,土炮自製武器,包括有剃鬚刀的焗髮器「喪屍血滴子」、「鴛鴦雞蛋仔」等,搞到觀眾都好期待,各位主角會點樣運用趣怪武器打喪屍!

WhatsApp Image 2017-05-26 at 17.37.31

WhatsApp Image 2017-05-26 at 17.37.30

 

恐怖到要加「禁」 入圍西班牙影展

早前《今晚打喪屍》喪屍圍城場面的預告片過於恐怖,電檢覺得令觀眾不安,所以剪咗先可以喺戲院大堂播放。導演出計喺喪屍面上加「禁」字先成功有預告宣傳! 但原來《今晚打喪屍》入圍西班牙影展「錫切斯奇幻電影節」,《今》都會於亞洲各地上映睇,嚟喪屍不但殺出圍城,沖出香港,香港土炮喪屍片有望揚威海外!

13579

《今晚打喪屍》不乏群屍亂舞的鏡頭,期間聘請了大量臨時演員在西環拍攝外景,場而震撼!唔通係香港版《屍殺列車》?

CCC

劇中武器介紹

爆蛋重力刀:近戰武器,馳名港九,刀長三尺七,守得住,攻得狠,一夾即爆。概念源自於…等雞蛋仔出爐,等得太耐下而生。

喪屍血滴子:遠程武器,新舊fusion產物,一飛一笠,甩頭甩骨。

聶以旋風刀:遠飛近攻,手腳並用,環迴殺敵,乾淨俐落

WhatsApp Image 2017-05-26 at 17.37.31 (1)WhatsApp Image 2017-05-26 at 17.37.30 (1)

WhatsApp Image 2017-05-26 at 17.37.29 (1)

金剛降魔棒:傳統工藝,典雅非凡,降魔伏妖,絕非惹少,速治靈,降魔速速靈

穿魂死光槍:國家機密級別,繼古惑的槍後,又一力作,屬超自然科技,強大殺傷力武器。

恩怨老牛:香港專用,江湖經典,有情有義,雌雄莫辨,廚刺兩用,削髮如泥,有你有我有情有天有海有地,殺敵佳品。

WhatsApp Image 2017-05-26 at 17.37.28

WhatsApp Image 2017-05-26 at 17.37.29

全文完