我瞞結婚了

《 我瞞結婚了 》大結局 洪永城黃浩然齊娶翠如

最新娛聞

廣告

無綫劇《 我瞞結婚了 》昨晚大結局,觀眾們都好想知黃翠如最後到底會揀洪永城還是黃浩然,結果係兩位猛男都抱得翠如歸!因為翠如BB同洪永城重修舊好,分完再婚;而黃浩然就搵到另一個「國產黃翠如」,最後兩pair齊齊結婚,大團圓結局……

小明小博舉行婚禮

Lucas (黃浩然飾) 自知時日無多,所以同Tony (洪永城飾)及Janet (黃翠如飾)四圍去玩,又露營又三人踩單車。但佢指自己仲有一個心願未了,就係想舉行婚禮!

婚禮上眾人語帶感觸地恭喜Lucas,而Tony亦一臉不情願咁出席,咁大家好自然認為Lucas係同Janet結婚啦。

不過TVB劇集最喜歡俾驚喜觀眾,當Janet着到靚一靚現身準備讀誓詞,大家先知呢個婚禮係屬於「小明」同「小博」!即係兩隻蜥蜴……

Lucas遠去 Janet追隨

當蜥蜴宣誓儀式完成後,眾人先發覺Lucas竟然唔見咗,原來佢一早計劃要遠走高飛,去做自己愛做的事。Janet得知Lucas打算去新加坡,隨即甩開Tony隻手,不顧一切去搵Lucas…… 到底最後會點?

最期待的「三年後」出現了

之後就係大家最期待的「N年後」啦!鏡頭一轉去到阿Kay (傅嘉莉飾) 的潛水店,阿Kay抱住一個小朋友,而Tony就好落力咁sell潛水班俾客人,活像一對合力經營生意的甜蜜夫妻!

不過編劇原來又係故意俾錯覺大家,阿Kay抱住的小朋友其實係妹妹同妹夫個仔,佢幫手照顧住先!順帶一提,李國麟同何君誠仲交換咗髮型……

國產翠如BB登場

咁到底Janet係揀Lucas定Tony呢?去到大結局尾段的水上婚禮中,驚變野獸造型的Lucas拖住一個紅色短髮藍眼睛的「Janet」出現,但Tony拖住的新娘就係原裝版Janet,究竟大台編劇今次想玩咩啊!

原來是咁的,當初Janet真係去咗新加坡陪Lucas醫病,點知Lucas喺醫院就遇到一位同Janet一模一樣的護士「小霞」(由黃翠如戴假髮、講普通話分飾…),兩人更一見鍾情!見到Lucas覓得真愛,Janet就可以返去Tony度啦!

走過浮華大地 – 《我瞞結婚了》篇

不過Janet又唔係即刻返香港喎,就話要去世界各地遊歷一番,而Tony又唔知點解唔使返工周圍去旅行,於是兩人又上演一幕幕《走過浮華大地》… 之後兩人更在出事故的飛機上重遇,重現第一集的情景。

又係飛機事故,又係半空定格。

一套劇出現兩次呢個場面,唔通係想向《Matrix》致敬?

我們結婚了

之後再回到水底婚禮,兩對新人齊齊在水底宣誓及交換戒指,由《我瞞結婚了》變「我們結婚了」!有觀眾認為翠如BB同洪永城始終應該係一對,亦有唔少人覺得黃浩然好得多,好想睇佢同翠如BB終成眷屬。相信呢個大團圓結局,應該可以滿足晒唔同觀眾的意願… 好似係。

全文完

常見問題

世界盃熱播中,電視台劇集方面有咩特別安排?

TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV包攬世界盃賽事播放,即睇緊湊嘅賽程表,仲有熱播中嘅原創劇《繩角》即將進入結局周⋯⋯按此看劇集&角色介紹

2022到2023上半年度演唱會多鑼鑼,有咩搶飛攻略?

本地歌手/組合包括:ERROR日前終於宣布12月中開show,門票於11月24日公開發售,按此看購票詳情;許廷鏗成立個人公司後開首個個人音樂會,門票將分為三個階段進行,於11月24日進行優先購票,按此看詳情;仲有闊別三年終於回歸嘅Clockenflap,將於2023年3月於中環海濱舉行,即睇場地及售票詳情;另外,疫情逐漸緩和,不少外國歌手/組合亦陸續宣布來港開Show與一眾粉絲久別重逢,包括:女團MAMAMOO舉行世界巡迴,香港站定於2023年1月7日,即睇票價及搶飛攻略;出道25周年的愛爾蘭男子天團Westlife都來香港開Show,仲要定於情人節2月14日亞博館Arena舉行,將於11月28日優先購票,按此看售票詳情

讀者留言