馮盈盈

《 果欄中的江湖大嫂 》試造型 馮盈盈 同林雅詩撞樣

最新娛聞

廣告

新劇《果欄中的江湖大嫂》眾演員今日齊集電視城試造型,除咗陳煒、黃光亮、岑麗香、樊奕敏、楊明等舊班底,新加入的仲有黃浩然、袁文傑等,其中應屆港姐冠軍 馮盈盈 一身造型冷豔又成熟,睇起嚟唔止老過陳煒,望落個樣仲激似性感女星林雅詩,真係夠晒「驚」喜!

陳煒 黃光亮再合作

TVB去年的《火線下的江湖大佬》收視相當理想,大台一於食過翻尋味,露香肩上陣的煒哥十分期待與黃光亮再度合作,仲笑謂習慣咗對方改對白演。而二人為咗演得更有神似,實地到油麻地果欄視察環境,又同檔主傾談希望更加了解運作,非常認真!不過兩人在今次劇集唔會有感情線,而係一對歡喜冤家,唔知觀眾會唔會失望?

馮盈盈同林雅詩撞樣

至於首次拍劇的港姐冠軍 馮盈盈 ,呢日造型相當突出,濃妝加深色唇膏、黑色西裝內襯露腰裝、最後係黑色皮褲配黑色高踭鞋,原來盈盈今次飾演油麻地酒吧話事人,有紋身又要粗粗魯魯,怕唔怕令人聯想到佢以前「講粗口」的黑歷史?之不過呢身造型及妝容,令佢睇起上嚟仲老過陳煒,而且仲同林雅詩好似樣!

盈盈表示會同楊明有感情線!不過就未知有冇親密戲?

黑色盈盈同白色香香,兩個都咁靚!

「游生」袁文傑咁有人氣,開新劇當然預埋佢!

 

三位老前輩雪梨、劉江同盧婉茵齊齊戴超,一樣有型,不讓年輕人專美!

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!