《 蘭花刼 》亮相 唐寧美貌十年不變

4K全實景拍攝嘅《不懂撒嬌的女人》已經大結局,緊接嘅竟然係倉底劇 《蘭花刼》 !呢一套 《 蘭花刼 》 其實係10年前拍落,由田蕊妮、蘇玉華、 唐寧 、胡定欣及陳錦鴻等主演,今日竟然破土而出,認真估佢唔到!雖然劇集畫質不敢恭維,但喺日前播出的一集中,大家好掛住嘅 唐寧 終於出場!大家都激讚佢美貌十年如一日,即時現已為人妻人母,但同電視中嘅「25歲唐寧」好似冇分別咁!

無綫:《蘭花刼》乃片庫中滄海遺珠

《蘭花刼》 喺10年前拍落,用4:3標清技術拍攝,不過無綫就話會重新以數碼技術優化聲畫,仲話係片庫中嘅滄海遺珠,而且罕見地以女子監獄為背景。主角就有三姐妹,大家姐為田蕊妮,二家姐為蘇玉華,細妹則由唐寧出演!内容講述蘇玉華結婚前被控謀殺養母入獄,咁啱相遇自幼失散擔任教化官嘅妹妹唐寧,唐寧連同田蕊妮重拾姊妹情,兩姊妹為蘇玉華洗脫罪名四處奔走。點知後來兩姐妹竟發現蘇玉華嘅種種詭計,引發之後的緊張劇情!

dsc_0040_17228316985923da2d5586f-1024x685dsc_0025_8673081355923da210d911-1024x685

wah_1812_1848433865923da4ba63e6-1024x680

唐寧 美貌十年不變

日前播出的一集,就係話身為教化官嘅唐寧終於出場,叫啲囚犯步操。當時田蕊妮在獄中嘅飯堂做打雜,而蘇玉華就係一名被欺凌嘅囚犯。但係因爲失散多年,所以大家都認唔到對方。唐寧已經好耐無喺電視上出現,但係其實不論係十年前定依家,唐寧都一樣係咁靚,無乜點變過!

wah_4356_3627580115923db75a1c66-680x1024

唐寧2010年時宣布與舞台劇導演鄧偉傑結婚,之後誕下一子一女,不過靚樣十年如一日,都係咁有青春氣息!

leila2

唐寧經典角色回顧

《大唐雙龍傳》-師妃暄

2004年熱播嘅《大唐雙龍傳》獲不少好評,成功令數位主角紅起來,其中一位就係唐寧飾演嘅師妃暄!淡青白色長衫、不食人間煙火的感覺,仙氣陣陣!雖然入面角色好打得,但係唐寧連拎住劍嘅打鬥場面,都令人覺得好pure 好true!當時唐寧嘅演技、靚樣同氣質都贏晒!

《戀愛自由式》-游穎

對於港產偶像劇,各位80,90後除《四葉草》之外,一定會記得《戀愛自由式》!唐寧喺呢套劇裏面擔任其中一個女主角,飾演陳文媛細妹游穎。有人就話游穎呢個角色性格倔強,觀眾正路就多唔鍾意,但係出乎意料之外,不少男觀眾竟然覺得好正好有性格,果然唐寧真係靚到大家都唔忍心討厭佢!

葉念琛《愛情四部曲》-阿蚊

除方力申同鄧麗欣,唐寧都係葉念琛電影《愛情四部曲》系列中嘅御用演員。而唐寧每一次葉念琛嘅電影,都會有聲嘶力竭嘅喊戲,相當考演技。葉念琛導演事隔多年再邀請唐寧出演《紀念日》,呢次導演就話「懷疑佢食咗防腐劑!」因爲唐寧拍完幾部曲個樣都無變過,實在係一個美人,同鄧麗欣比一啲都唔輸蝕!

 

全文完