《3日2夜》新咪神出爐 鄺潔楹勁「GFable」!

有睇開無綫旅遊節目《3日2夜》的觀眾們都知,呢個節目除了介紹唔同旅遊景點,仲出名多索女!因為一班身材正爆的女藝人都會喺節目中大騷Quali,好似張秀文、陳婉衡、陳庭欣及朱智賢等小花,都因為拍過《3日2夜》而被封為新一代「咪神」!而最新一集中,又有另一位「咪神」帶大家一齊去台灣浸溫泉,佢就係 鄺潔楹 (Judy)!

圖片來源︰Facebook、Instagram、《3日2夜》截圖

今年24歲的無綫娛樂新聞台主播Judy首度加盟《3日2夜》,喺最新一集中帶觀眾玩轉台中。穿上襯衣熱褲的Judy首先坐籠車去動物園同野生動物零距離接觸,再去夜市做奶茶店店員等。不過男性觀眾應該對啲景點興趣不大,因為目光都集中喺Judy嘅靚樣同身材!

Judy相貌甜美
戴住牛牛頭飾「賣萌」Sell客好可愛

小編最期待的畫面出現了!正所謂好戲在後頭,Judy去到節目尾聲就換上火辣粉紅比堅尼,大歎私人溫泉浴,大晒32C豐滿上圍!估唔到Judy細細粒、平時密密實實,原來咁有睇頭,加上甜美笑容及可愛酒粒,真係冇得輸!

之後當然唔少得玩水動作大特寫,見到Judy在溫泉中跳跳跳,豐滿上圍上下擺動,成個畫面波濤「胸」湧,小編不行了!

原來Judy從外國畢業回港不久,做娛樂新聞台主持之餘亦有當兼職模特兒,不過見佢平時啲相都係密密實實,估唔到係「隱藏實力」!Judy愛做運動之餘、身材勁fit之餘,社交網站亦有唔少清純可人、充滿仙氣的照片,難怪男網民們都大讚佢勁「GirlFriendable」!今次受網民熱捧,唔知Judy末來會唔會有機會拍劇呢?

鄘潔楹FB

 

 

全文完