20161223 COVER 07

「宅男女神」封盤 34歲孫慧雪靚爆出嫁

34歲的「宅男女神」 孫慧雪 今日於愉景灣舉行婚禮,與拍拖四年、36歲的圈外有米男友Edwin Lo拉埋天窗,趕在平安夜前封盤!今早阿雪與Edwin按照傳統於愉景灣酒店進行出門儀式,身穿中式裙褂的阿雪不失仙氣,靚爆出嫁。變裝後,兩人如童話般的王子與公主一樣坐在馬車上以婚紗與西裝示人,浪漫到爆!

撰文︰東方新地

峇里 婚紗相

早前,阿雪 與Edwin到峇里的結婚照於昨晚曝光。兩公婆攬到實,見到阿雪個笑容甜到咁,就知佢哋有幾幸福啦。

 

愉景灣 行禮

今天一早阿雪與Edwin按照傳統於愉景灣酒店進行出門儀式,身穿中式裙褂的阿雪不失仙氣,靚爆出嫁。兩人變裝後,兩人如童話般的王子與公主一樣,坐在馬車上以婚紗與西裝示人,更不斷錫錫,現場閃光燈冇停過呀。

整個婚禮以白色、簡約為主。婚禮喺下午3點半開始,阿雪喺姊妹團開路下步入禮堂,而新郎哥Edwin就企係主禮台到等阿雪慢慢行過去。二人在律師監禮下簽紙,正式宣佈二人結為夫婦後,阿雪更二度抹眼淚。提到兩人「合巹交杯」時,由老公代飲,係唔係因為奉子成婚,阿雪就解釋話昨晚冇乜瞓覺,所以為避免浮妝同臉紅就冇飲酒啦!阿雪補充,自己同老公都好中意小朋友,所以婚後一定會努力「造人」。

好友到場祝賀

蔡思貝亦有到場祝賀阿雪,阿雪遠遠看見蔡思貝已飛奔過去,兩人一見面則情不自禁嘴對嘴錫一啖。

 

全文完