黃文意

「10億咪神」黃文意性感圖輯

最新娛聞

廣告

48歲唐文龍挑戰《溏心風暴3》渣男角色,人氣再度急升。曾自認單身嘅佢,原來與25歲「10億咪神」黃文意暗撻半年,並曾喺網上傳情洩「蜜」,不過唐文龍就拒認追求黃文意,只話同對方正「從相處開始發展」,但就勁讚黃文意係好女仔,好有智慧,喺美國長大兼讀書嘅佢仲話:「最重要英文好叻」!其實擁有「10億咪神」稱號嘅佢又點止咁少優點!

撰文:東方新地
部份相片提供:Bubble Monthly

黃文意 有個富爸爸

童星出身嘅黃文意現年25歲,不單樣子童顏,仲擁有36D逼爆身材,成功在《3日2夜》彈起,更重要嘅係佢有個被稱為內地「LED燈大王」嘅富爸爸黃裕發,傳聞身家超過十億!黃文意6歲開始拍劇,作品不算太多,因為佢9歲就離開香港到英國貴族私立學校讀書,但大家對佢《天地豪情》嘅演出一定有印象。佢喺《3日2夜》中泥漿浴一幕更成為熱話,佢亦曾經聲稱自己推咗200萬人民幣嘅飯局(200萬原來對佢嚟講簡直濕濕碎)。

唐文龍:情人節未有人約

唐文龍同黃文意除咗被影到去尖沙咀撐枱腳,去年11月唐文龍生日,兩人到大嶼山慶生,黃文意曾錯手po出與唐文龍sweet合照,隨後立即刪除。日前黃文意換新髮型,唐文龍更留言大讚女友:「女神焗油都幾好睇!俾心機 ~有男版焗油嗎?」而Mandy則冧爆回應:「有㗎!有『CEO焗油』㗎!」不過本刊記者問到唐文龍兩人係咪拍緊拖?唐文龍就話佢哋依家只係朋友,仲話自己情人節未有人約!

記:記者 唐:唐文龍

記:畀人影到你同黃文意拍拖喎!
唐:啲相係幾個月前影啦。
記:係咪同黃文意拍緊拖?
唐:我哋係朋友。
記:覺得黃文意點?

唐:佢係好女仔,好有智慧,最重要英文好叻。
記:大家年紀相差23年,溝通有冇問題?
唐:溝通得好好,好啱傾!
記:女方話你主動抄牌追佢?
唐:依家都冇話追求,依家拍拖係相處吓發展吓,從相處開始發展。
記:聽日情人節點慶祝?
唐:情人節都係一個人過,都未有人約。
記:等黃文意約你?
唐:唔會啦,呢個時候,唔講咁多啦,多謝!

常見問題

將來還有什麼演唱會值得留意?

有不少歌手宣布舉辦演唱會,例如:五月天BLACKPINK澳門站(2月4日預購)、林敏驄周興哲(1月28日公開發售)、周杰倫COLLARTwins鄭秀文鄭欣宜許冠傑(2月14日公開發售);喜歡K-pop的你亦有福了,ITZY(2月1日優先購票)和NCT DREAM亦在香港開演唱會!Sundaykiss為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

如何得知不同生肖在2023兔年感情、財運、事業、健康方面運程?有什麼生肖犯太歲及如何化解?

想知道12生肖於兔年運程如何?希望兔年在感情、財運、健康及事業方面更得心應手?Sundaykiss已為你準備好12生肖兔年運程,讓大家在兔年行個好運!犯太歲的朋友亦不用太擔心,有5大犯太歲生肖要留意小心多變化、多小人及易受傷,特別有2個月份要留意,Sundaykiss 為大家整合兔年5大犯太歲生肖化解方法

讀者留言