【兄弟】拳賽演出感動觀眾 劉穎鏇為求效果逼真竟然咁對自己?

最新娛聞

前晚(21/11)播出嘅無綫劇集《兄弟》講到陳鈴(劉穎鏇 Tiffany 飾)參加拳賽,不過就畀對手瘋狂打有傷患嘅腰部,Tiffany表現出極痛表情同時仲講出一直想打拳嘅夢想。雖然最終贏唔到場比賽,但係現實中Tiffany就獲網民激讚演技,原來首次拍劇就演得咁逼真係有原因㗎!

撰文:東方新地 |圖片:《兄弟》截圖

【兄弟】劉穎鏇拳賽演出感動觀眾

前晚(21/11)嘅劇集《兄弟》主要講劉穎鏇(Tiffany)代表鷹奇拳館參加由王浩信搞嘅女拳王大賽,劇中一開始劉穎鏇率先同韓國金腰帶得獎者對決。劉穎鏇可以話係由頭帶到落尾咁滯,不過後段雙方都同時打到對方太陽穴倒地。

以為咁就完?錯喇,因為Tiffany贏咗呢條賽事後,馬上要同香港另一位晉級對手打。對手實力超卓,打到Tiffany左眼腫晒兼流血!

休息時Tiffany向爸爸講出自己喺外國打拳時整親條腰一直醫唔好,但係話自己真係好鍾意打拳,好想贏呢個比賽!

劉穎鏇首次拍劇就要做女拳手,畀人打到拳拳到肉,雖然大家都知係拍劇,但係又有咩方法可以表現到真係畀人打到咁痛呢?原來喺拍攝前劉穎鏇狠狠地出拳打自己條腰,所以進入拍攝期間畀對手打真係覺得好痛。前晚呢一幕真係感動到好多觀眾,仲令更多人知道拳手呢個行業係唔易做㗎!

演出獲網民激讚!

Tiffany仲喺自己IG上PO咗一段自己練拳時嘅片段!

劉穎鏇死豬當沙包打

劉穎鏇(Tiffany)首次拍劇便飾演西洋拳教練,在台慶劇《兄弟》中的第4集尾段(15/11)和第5集(16/11)都有出演。劇中她是陳來(曾偉權飾)的女兒,陳來是豬肉檔老闆,Tiffany是一位因為熱愛打拳而放棄在外國讀書的回流學生。在《兄弟》中,Tiffany有兩幕是在拳館中把豬屍吊起當沙包打。不過這兩場打豬屍場面就惹來了不少爭議,本港facebook專頁「救救港豬 Hong Kong Pig Save」更出了一則帖子公開指責。

該團體發文表示這種橋段過於嘩眾取寵,是不尊重生命的行為,抨擊電視媒體的製作道德水平,連帶演員也受到了影響。不少網民也留言指「噁心」、「不安」等,引來了不少回響。

有網民指應指責幕後工作人員,而非責罵女演員。

而《兄弟》的監製則表示原意是想用有趣的方式來表達並推動劇情,但也會注意以後的處理方式。

相關文章:

《3日2夜》劉穎鏇迷倒觀眾

早前一輯《3日2夜》由劉穎鏇(Tiffany) 及江嘉敏帶大家遊歷土耳其伊斯坦堡。節目中大家除了欣賞土耳其的特色景點之外,當然少不了留意兩位女神的互動!Tiffany在鏡頭前可愛真摯不造作,成功攻陷一班觀眾!

土耳其浴騷身材

雖然冇以往大家最期待的浸溫泉環節,但劉穎鏇同江嘉敏去了享受土耳其浴,非常吸睛。靚女浸浴喎,一定好好睇啦!

讀者留言