ft pic

一人一套新劇 翠如BB蕭正楠互撼

《城寨英雄》轉眼播到中段,話咁快將會大結局。連同之前嘅《一屋老友記》,9點半黃金檔都有高收視,下一齣頂上嘅劇,當然要有番咁上下保證啦!近日宣傳片已經出街,確定由馬國明、岑麗香同黃翠如主演嘅《為食神探》將緊接播出,而《巨輪II》則會同期在8點半播,即係話,翠如BB會同男友蕭正楠打對台喎!

延伸閱讀︰

為新劇宣傳 吳卓羲當眾求婚兼咀嘴

唔見肚喎! 陳妍希大肚泳裝曝光

近日《為食神探》宣傳片出街,雖然只得馬明、香香同阮兆祥,但其實翠如BB都係女主角,仲會同祥仔做一對,會去沙灘睇日出,好鬼浪漫!

而《巨輪II》亦安排晌8月29出街,除咗蕭正楠、田蕊妮等原班人馬,仲會有陳凱琳加入,但就冇咗鍾嘉欣喇!話時話,原來祥仔兩套劇都有份,最紅係佢喎!

雖然翠如BB會同男友打對台,但呢pair打風打唔甩,又一早已經同居,話唔定晚晚攬住一齊煲劇添呀!

全文完