bob

一家五口去旅行 阿Bob做阿四

阿Bob日前同太太黃碧玲趁暑假,帶三個女去新加坡旅行!阿Bob笑言期間一個人帶四條女,但卻一個人孭四個袋,要好用腰力先頂得住,雖然十足做阿四,但見妻女玩得好開心,阿Bob都冇所謂啦!

其他文章:

緣定今生《城寨》拳佬刁蘭情根早種

《城寨》刁蘭抽水 牙佬動L

樂做阿四

阿Bob一家五口到當地著名旅遊熱點聖淘沙玩,為了令四位女皇盡興而歸,阿Bob即變身阿四,將各人背囊孭上身,妻女大叫口渴,即遞上飲品,總之就係服侍周到!而阿Bob又要擒高擒低四圍騰,最終滿頭大汗,少啲體力都應付唔到,難怪佢話要用腰力啦!

讚太太好靚

雖然要照顧三個女,但阿Bob同太太亦不忘去坐摩天輪過二人世界!阿Bob賣口乖說:「呢個新加坡摩天輪係宏偉嘅,
我老婆又真係幾靚嘅。」之後,一家五口又去環球影城、海洋館等地方玩餐飽,臨走時全家人搭纜車,面對美景,阿Bob大讚風景好靚,樂而忘返!

全文完

關鍵詞
bob林盛斌