丁子朗

【森美旅行團2】小鮮肉丁子朗 爆肌撼贏森美大哥

《森美旅行團2》今個星期開始播,由森美帶隊遊京都、岡山及和歌山,除了舊拍檔麥美恩(Mayanne)外,仲有吳若希及丁子朗新加入!其中2016香港先生亞軍丁子朗昨晚出場即大騷健碩肌肉,搞到森美大哥都要自嘲年紀大,依家為大家介紹呢位小鮮肉!

撰文:東方新地|圖片:節目截圖、Instagram

《森美旅行團2》已經出發

一連十集的《森美旅行團2》已經播緊,今次繼續由森美大哥帶隊,但就冇咗上輯的黃心穎同高海寧,舊團友麥美恩(Mayanne)有得留低,換上吳若希、丁子朗加入,齊齊帶大家去日本京都、和歌山及岡山食玩買~

呢個新主持組合大家點睇呢?

記者會上還播出絕密片段,見到森美跟丁子朗圍 小毛巾於溫泉中深情對話。森美即場推薦麥美恩做女友,丁子朗則回敬一句:「年紀以外樣樣都好!」惹來全場爆笑。

Mayanne都唔係好差啫!

笑問是否嫌Mayanne年紀大?丁子朗則說:「她幾好的,不過年紀方面,(相差)十年又好似有啲大。」Mayanne聞言笑稱:「做乜啫?我緋聞男友(指許文軒)在那邊呀﹗」

小鮮肉丁子朗 爆肌撼贏森美大哥

昨晚第二集,丁子朗首度登場,孖森美介紹京都電氣風呂「衣笠溫泉電氣風呂入到澡堂,就係二人騷肌嘅大好時機!丁子朗露出健碩肌肉,發揮小鮮肉吸睛之處!相反森美就搞笑地扮錫身,將毛巾包到上心口,連兩點都唔露,大方畀對方搶鏡!

丁子朗
森美望住丁子朗身體下方,嚇到嘴都O晒,見到啲咩呀?

齊齊電到硬晒

由於全裸進浴場是禮儀,所以二人都入鄉隨俗,全裸入浴,並將重要部分「打格仔」處理~入浴時,丁子朗自爆因為受到電流影響,搞到全身硬晒,肌肉繃緊!隨後,森美亦落池試試,二人同樣表現痛苦,但又好搞笑!

丁子朗
森美大哥真係幾時都咁搞笑!

森美最終都頂唔順決定上水,但就喺上水一刻馬上穿崩!明明二人「打哂格仔」全裸落水,但原來森美卻穿肉色打底褲,今次露底認真唔小心!

丁子朗
丁子朗啲肌肉真係好堅!

《歎得好健康》同陳雅思鬥晒胸

其實丁子朗喺節目騷肌都唔係第一次啦!去年無綫綜藝節目《歎得好健康》中,丁子朗與黎耀祥、黎諾懿及陳雅思幾乎集集都浸溫泉,結實有型的丁子朗可謂風頭盡出,每當三位男士浸溫泉時,黎耀祥及黎諾懿為遮肚腩,通常將全身浸於水中,僅得子朗自信爆棚,大方展露完美身材,成功秒殺視帝祥及神之馬壯!

未命名

丁子朗
小鮮肉丁子朗副Body,當然搶眼過兩位叔叔啦!

陳雅思泳衣仲吸睛

小鮮肉丁子朗係吸睛,不過陳雅思泳裝出場時,都只好企埋一邊啦!

2016年香港先生亞軍

1997年出世的丁子朗今年只得21歲,名副其實係個「小鮮肉」,2016年時以19歲之齡參加「香港先生選舉」,奪得亞軍、「最上鏡先生」及「現場最受歡迎香港先生」三個獎項,睇嚟觀眾緣相當不俗!

當年喺陳凱琳手上接過亞軍獎座!

睇得仲好打得

大隻仔丁子朗唔只睇得,仲好打得!據知佢由1級開始學習蔡李佛拳至9級,有姿勢有實際!

完美肌肉

丁子朗完美身材嘅背後,原來有個故事。話説佢大學時期受到大隻宿舍室友影響。,當時子朗被室友迫做Gym,慢慢先變成習慣。佢不時都喺社交網絡大方發布肌肉照。各位女士們,係福利啊!

延伸閱讀:重溫森美沙灘曬股放雀

森美大哥唔係一直以來都係大隻仔,早年本刊影刊森美與老婆Veronica去到深水灣享受陽光與海灘。喺三十幾度高溫、烈日當空下,一身運動裝束的森美好快除去背心,只剩下一條灰色運動短褲。之後… 到戲肉啦!

森美
森美大哥同老婆Veronica都係一身運動裝束,襯到絕。

巨鵰若隱若現

除去背心的森美睇得出身形圓潤、腰間多了贅肉,佢仲突然非常麻甩咁將短褲向內摺,短褲就愈摺愈少布,搞到巨鵰若隱若現,實行大解放!

「股」壇新秀

森美將條短褲摺吓摺吓,搞到露出一截股肉,講電話的同時左手仲喺巨鵰前捽吓捽吓,實在惹人遐想!

森美
雖然老婆Veronica在場,不過森美眼睛想旅行,對不遠處一位外藉美女目不轉睛!
森美
自拍一張先!

小儀瘋狂恥笑

之後森美於電台節目《早霸王》重提被本刊拍到「放雀」一事,被其拍檔小儀瘋狂恥笑,稱「將條運動褲攝到咁真係好阿叔!」仲將森美條短褲形容為「BB尿布」!小儀又笑指平時啲明星藝人通常會話傳媒報道失實,不過今次就非常真實,俾大家睇到真實森美麻甩的一面!小儀尤其針對森美露股照,封對方為「股」壇新秀!

不久後森美於網上反擊,大晒自己的弗爆肌肉照,不過就唔知啲相係幾時影啦!

讀者留言