七線人棄王

七線人棄王|曾志偉搵TVB奀星擔大旗 有個後生仔自爆月薪僅得$3,200

最新娛聞

廣告

曾志偉在2021年初返TVB做無綫副總經理,去到9月就升埋做總經理,亦都有唔少膽嘅想法和創作。今次更加搵嚟一班自命「七線」的藝人擔大旗製作《七線人棄王》,佢哋個樣同名,大家分分鐘見都未見過,聽都未聽過!

文:東方新地|圖:TVB圖片、《七線人棄王》YouTube截圖

七線人棄王 雖然入行多年,幾位「奀星」分分鐘連樣都認唔到。
雖然入行多年,幾位「奀星」分分鐘連樣都認唔到。(圖片來源:《七線人棄王》YouTube截圖)
七線人棄王 五人都係名不經傳。
五人都係名不經傳。(圖片來源:《七線人棄王》YouTube截圖)

《七線人棄王》TVB真正的奀星

全新綜藝節目《七線人棄王》,便在這個大前提下應運而生。《七線人棄王》顧名思義是由一班自命「七線」的藝人擔大旗,包括「角色死亡率高達100%」的陳俊堅、「演出作品超過100套、但對白未必夠100字」的鄭雋熹、「古惑仔專員」程浩駿、「御用禮儀先生」林浩文,以及「永遠的舞男」姚宏遠。除了擔正藝人名單夠晒「破格」,節目的自嘲式開場白亦相當搶眼球:「每年都有成千上萬嘅人發明星夢,以為報讀訓練班就可以劇接劇做男主角一炮而紅,咁諗你就可以返鄉下打乒乓波。」單是開場白已感受到節目有多絕核與好玩。

1. 姚宏遠Lucas「永遠的舞男」(27期藝訓班)

今年30歲,2013年參加第27期無綫電視藝員訓練班入行。

七線人棄王 姚宏遠。
姚宏遠Lucas今年30歲,2013年參加第27期無綫電視藝員訓練班入行。(圖片來源:TVB圖片)

2. 陳俊堅Kinlas「角色死亡率高達100%」(27期藝訓班)

34歲陳俊堅,2007年開始成為無綫電視舞蹈員,原有機會升任助理排舞師,但他選擇加入2013年第27期無綫電視藝員訓練班!

七線人棄王 陳俊堅。
陳俊堅。(圖片來源:TVB圖片)

3.「古惑仔專員」程浩駿Hellston(29期藝訓班)

浸會大學電影學院(表演系)畢業,2017年第29期無綫電視藝員訓練班學員,畢業後加入無綫電視。

七線人棄王 程浩駿。
程浩駿。(圖片來源:TVB圖片)

4. 鄭雋熹「演出作品超過100套、但對白未必夠100字」(29期藝訓班)

2017年第29期無綫電視藝員訓練班學員,畢業後加入無綫電視。

七線人棄王 鄭雋熹。
鄭雋熹。(圖片來源:TVB圖片)

5.林浩文Oman「御用禮儀先生」(29期藝訓班)

30歲的林浩文同樣是2017年第29期無綫電視藝員訓練班學員,參與不少電視劇,較有名角色包括處境劇《愛·回家之開心速遞》「阿叢(書蟲)」。

七線人棄王 林浩文。
林浩文。(圖片來源:TVB圖片)

五位「人棄王」廁所向曾志偉Sell橋

《七線人棄王》講述以上五位「人棄王」,如何排除萬難求見總經理曾志偉,sell橋兼搲Budget拍攝出集無底線自爆式Talk Show、真人騷、挑戰、大整蠱及短劇等多種元素於一身的綜藝節目!在無綫今日發布的首輪宣傳照,五位「人棄王」在林盛斌、張振朗、周嘉洛、陳瀅、戴祖儀、丁子朗、蕭正楠的幫忙、及助理總經理(藝員管理及發展)樂易玲的打氣下,直搗男廁向總經理志偉埋手,並在志偉繁忙之時拿出Proposal大Sell特Sell;志偉雖然先是嚇一跳,但當看到五人如此有誠意兼有創意時,亦馬上爽快答應支持開拍「七線人棄王」,一個破格的綜藝節目因而誕生;而林盛斌與張振朗為了力撐「人棄王」,更扮鬼扮馬上陣,相當惹笑。

七線人棄王 真係走去廁所拍。
真係走去廁所拍。(圖片來源:TVB圖片)
七線人棄王 志偉拉咗鍊未?
志偉拉咗鍊未?(圖片來源:TVB圖片)

新預告講人工:最低$3,200

在最新的預告片中,幾位「奀星」更在鏡頭前公開自己的「底薪」,個話$8,000,有個話$4,000,最低嗰位得$3,200,真係慘不忍睹!而且佢哋仲攞住呢份人工疑似去扮借錯定伸請信用卡,點知結果竟然被拒絕!陰功咯!

被稱為可能係TVB有史以來「最放肆又勁亂嚟」、「超低質又極真實」嘅綜藝節目,齋聽節目名已經好想睇下係乜料嘅《七線人棄王》,由林浩文、鄭雋熹、程浩駿、姚宏遠、陳俊堅五個七線藝人揸旗,自編自導自演Game Show、短劇、偷拍、整蠱環節,加上大量藝人客串同大爆電視圈奇聞⋯⋯節目1月16日myTV Gold全套上架,1月15日晚起11:35PM逢周六播放。

撰文:東方新地圖片來源:TVB圖片、《七線人棄王》YouTube截圖

讀者留言