ft pic

三朝奧運元老 歐鎧淳帶香港泳隊殺入巴西

四年一度的奧運會將於5號在巴西舉行,除咗跳水、田徑等必睇項目,今屆一定要捧香港泳隊場!8月12日有女子4×100米混合泳接力賽,其中一名成員,就係今年24歲、有「港隊美人魚」之稱嘅歐鎧淳!

延伸閱讀:

林志玲發聲明擬告陳冠希

好事近 岑杏賢 袁偉豪甜蜜遊加國

代表香港參加過08年北京奧運、12年倫敦奧運及今年巴西奧運,歐鎧淳年紀輕輕已經係三朝元老,今次更會代表全個港隊任開幕禮持旗手,地位舉足輕重!

{"IPTC-DATA":"NMG","data":{"photoID":2169878}}

歐鎧淳中學畢業於名校嘉諾撒聖心書院,會考成績23分,及後到美國柏克萊大學升學,期間連續四屆代表大學出戰NCAA大學泳賽,取得兩屆大學冠軍。

讀書叻、游水勁,加埋純過蒸餾水嘅外貌,歐鎧淳輕易成為運動界女神,fb現時有過萬人follow,算係港隊明星!

形象健康,加上食住今年奧運條水,歐鎧淳早前獲唔少品牌邀請拍廣告,同陳瀅、王曼喜合作。運動員生涯短暫,巴西奧運極有可能係歐鎧淳最後一屆,不過以歐鎧淳咁高質,想入行做明星或者繼續讀書都冇問題啦!

全文完