MO FI

上年4月嫁中學同學 簡慕華 秘婚近一年

港姐出身的簡慕華拍過好多劇集,雖然做閒角,但演出機會不斷,更加是金牌監製戚其義愛將,二人傳緋聞傳足多年,外間一直認定二人係一對。不過原來簡慕華早喺去年4月做咗人妻,不過老公唔係緋聞男友阿戚,而係圈外人,數天前簡慕華於微博上載同老公合照,並寫道:「We do. We did. Forever and always.」,恭喜晒!

撰文:東方新地


41歲簡慕華 秘婚近一年

大半年未有更新微博的簡慕華,日前於微博上載跟圈外老公的合照,並留言話:「We do. We did. Forever and always.」(無論過往及將來,我們一直相愛),見二人情深對望,勁SWEET!據知老公係佢嘅中學同學,二人早年在敍會碰頭撻著!


簡慕華曾經係金牌監製戚其義愛將,二人也傳緋聞多年,本刊也多次拍得二人密會,但一直為當時人否認!


二人經常出雙入對,不過簡慕華話佢哋係Friend,對於緋聞會一笑置之,而且簡慕華嘅老公都認識戚其義!



科大畢業 選港姐入行

在科技大學物理系畢業的簡慕華,當時投考空姐做咗一年地勤,於2000年參加港姐,但決賽止步,當年的冠軍是劉慧蘊、亞軍是簡佩堅、季軍是劉嘉慧,拍過好多劇集,多做閒角,直至演出《金枝慾孽貳》同《心戰》等劇做女配角,演技備受讚賞。而去年2月佢拍完無綫劇《超時空男臣》後決定離巢外闖。


{“IPTC-DATA”:”NMG”,”data”:{“photoID”:1753306}}