下流上車族

下流上車族︱林敏驄加戲催淚認思想出軌 全家爆喊大結局

最新娛聞

廣告

TVB台慶劇《下流上車族》今晚8點半播出大結局堪稱眼淚放題,感人爆喊位一浪接一浪,由昨晚劇集開首由飾演「蔓蔓」羅毓儀上演崩潰式喊戲掀起序幕,劇情講述蔓蔓目擊爸爸志明(林敏驄飾)疑有外遇後大受打擊,情緒爆發邊喊邊跑返屋企,並攬着媽媽(江美儀飾)及家姐芊芊(郭柏姸飾)哭個不停:「爹哋唔要我哋喇……」今晚林敏驄更大拋感人Bite:「我哋加埋幾多歲喇?唔通仲可以有轟轟烈烈嘅愛情?只希望呢個家齊齊整整,可以同你細水長流。」林敏驄同江美儀再度聯手大派洋蔥!

下流上車族 江美儀豁出去狂喊。
江美儀豁出去狂喊。(圖片來源:FB@林敏驄)

今晚大結局焦點:林敏驄承認曾思想出軌

陷入離婚邊緣的車氏夫婦就互相坦白,林敏驄承認曾思想出軌,一邊痛哭求江美儀原諒,他更大拋感人金句:「我哋加埋幾多歲喇?唔通仲可以有轟轟烈烈嘅愛情?我只希望呢個家齊齊整整,可以同你細水長流,我唔知仲可以睇佢哋幾耐,我只係知道前面嘅路,我要同你一齊喊,好唔好呀老婆,對唔住。」最後二人痛哭並和解。

下流上車族 林敏驄在社交網發放NG片。
林敏驄在社交網發放NG片。(圖片來源:FB@林敏驄)
下流上車族 另邊廂,輪到芊芊同高榮鬧離婚,最終結果會係點呢?
另邊廂,輪到芊芊同高榮鬧離婚,最終結果會係點呢?(圖片來源:《下流上車族》截圖)

芊芊高榮復合有喜大團圓

另邊廂高榮(丁子朗飾)不堪外母雯慧嘅高壓政策,忍唔住搵志明訴苦,豈料被芊芊無意聽到,芊芊為咗媽媽忍痛與高榮分開,令新婚嘅二人陷入離婚邊緣!

下流上車族 羅毓儀感恩江美儀對佢無限信任,幫佢申請Retake,等佢可以有多一次機會做好啲。
羅毓儀感恩江美儀對佢無限信任,幫佢申請Retake,等佢可以有多一次機會做好啲。(圖片來源:《下流上車族》截圖)

芊芊不忍高榮左右做人難忍痛提分開

雯慧(江美儀飾)誤以為芊芊(郭柏妍飾)有孕,看完醫生後後來發現只是腸胃炎,兩人空歡喜一場。晚上芊芊和高榮在家,芊芊含淚質問:「你想唔想我有bb?」面對高榮遲疑的表情,芊芊失望表示知道高榮下午和父親的對話,高榮對志明訴苦受不了岳母雯慧的高壓政策。對此芊芊表示高榮應該愛屋及烏,芊芊心痛高榮的身份夾在中間左右做人難。芊芊為了母親,只好忍痛與高榮提及分開。

下流上車族 芊芊無意中聽到高榮心中感受,為了母親唯有忍痛和高榮分開。
芊芊無意中聽到高榮心中感受,為了母親唯有忍痛和高榮分開。(圖片來源:TVB (official))
下流上車族 芊芊爆淚向雯慧表示自己要和高榮分開一事。
芊芊爆淚向雯慧表示自己要和高榮分開一事。(圖片來源:TVB (official))
下流上車族 雯慧得知芊芊與高榮分開,心痛女兒。
雯慧得知芊芊與高榮分開,心痛女兒。(圖片來源:TVB (official))

雯慧志明解開誤會相擁而哭

看着女兒芊芊和女婿高榮之間的痛苦,令志明不禁反思與妻子雯慧的婚姻關係。最後他決定好好面對雯慧,並正視兩人的誤會。志明向雯慧澄清外遇一事只是誤會,雯慧不信志明的話,表示蔓蔓不是三歲小孩更質問「冇嘢會喊的咁犀利?」,雯慧悲傷表示自己有許多不好的地方,更質問志明:「你搞到我傷心就算啦,點解要搞到兩個女都咁傷心啊?」,志明誠懇表示:「我好珍惜呢個家。」,更崩潰稱:「我哋加埋幾多歲喇?唔通仲可以有轟轟烈烈嘅愛情?只希望呢個家齊齊整整,可以同你細水長流。我只希望前面有路可以同你一齊行。」後來夫妻之間終於敞開心扉,相擁而哭。

下流上車族 雯慧淚談自己不足,傷心志明所為。
雯慧淚談自己不足,傷心志明所為。(圖片來源:TVB (official))
下流上車族 兩人坦白自己感受,解開誤會。
兩人坦白自己感受,解開誤會。(圖片來源:TVB (official))

高榮險被車撞 車家解開心結

芊芊想暫時離開傷心地,收拾行李前往機場到他處散心,高榮頓失方寸,打算走到機場阻止芊芊離開,情急下衝出馬路。芊芊誤以為高榮被車撞到,趕回家後一家聚在一起,車家各自坦承自己感受,後來解開心結,和好如初。結局芊芊與高榮宣佈將榮升父母,車家感動相擁,謝毓霞(鮑起靜飾)更表示提供首期讓志明夫婦買樓,場面溫馨感人,結尾車家一起睇樓。

下流上車族 高榮得知芊芊前往機場,心急衝出馬路險被車撞。
高榮得知芊芊前往機場,心急衝出馬路險被車撞。(圖片來源:TVB (official))
下流上車族 芊芊誤以為高榮被撞,擔心趕回家。
芊芊誤以為高榮被撞,擔心趕回家。(圖片來源:TVB (official))
下流上車族 車家一起開心睇樓。
車家一起開心睇樓。(圖片來源:TVB (official))

羅毓儀喊到面都紅晒

噚晚一集羅毓儀拍這場喊戲表現相當投入,激動到面都紅晒,羅毓儀受訪時透露事前原來向影后鮑起靜請教:「因為冇經歷過呢樣嘢,所以拿捏唔到個情緒應該去到邊,鮑姐幫我分析話蔓蔓比較小朋友,遇到呢種情況會感受比較大,喊得比較勁,聽完鮑姐講再加埋自己想像,就代入到個角色。」

下流上車族 羅毓儀再晒崩潰式喊功,原來佢事前請教咗鮑姐點演呢場戲。
羅毓儀再晒崩潰式喊功,原來佢事前請教咗鮑姐點演呢場戲。(圖片來源:《下流上車族》截圖)

羅毓儀:特別感激「媽咪」江美儀

羅毓儀話呢場戲前後拍咗兩Take,並特別感激「媽咪」江美儀信任:「第一Take其實都喊到,但媽咪睇完Playback後覺得我可以喊得再入肉啲,之後叫導演畀多次機會我。其實本身自己睇完都覺得爭啲,但始終自己係新人唔夠膽要求嚟多Take,唔敢保證會唔會做得更好,好多謝美儀姐相信我做得到,覺得好感動。」

下流上車族 江美儀受盡傷害,向林敏驄提出離婚。
江美儀受盡傷害,向林敏驄提出離婚。(圖片來源:《下流上車族》截圖)
下流上車族 江美儀嗌離婚,林敏驄喊到收唔到聲。
江美儀嗌離婚,林敏驄喊到收唔到聲。(圖片來源:《下流上車族》截圖)

林敏驄睇全家福爆喊

來到劇集尾聲,林敏驄再度攻陷觀眾「淚點」!劇情講到受盡傷害嘅雯慧(江美儀飾)向志明提出離婚,志明遂陷入後悔輪迴,一邊睇一家人嘅相片一邊爆喊;失去家人嘅志明更幻想一家四口重聚的畫面,四人相擁而泣,煞是感人,但鏡頭一轉只剩下志明獨自躺喺梳化落淚,突顯出志明嘅孤獨。

下流上車族 志明幻想一家人團聚兼相擁而泣,畫面催淚。
志明幻想一家人團聚兼相擁而泣,畫面催淚。(圖片來源:《下流上車族》截圖)
下流上車族 失去家人嘅志明更幻想一家四口重聚的畫面。
失去家人嘅志明更幻想一家四口重聚的畫面。(圖片來源:《下流上車族》截圖)
下流上車族 鏡頭一轉,林敏驄獨自瞓喺梳化度喊。
鏡頭一轉,林敏驄獨自瞓喺梳化度喊。(圖片來源:《下流上車族》截圖)

林敏驄提議加喊戲

林敏驄受訪時透露呢場戲係自己提議加呢一場:「本來場戲係得我一個喊,之後我覺得兩個女啲演技開始成熟,可以喊得出喇喎,加上大家相處咗幾個月,有咗感情基礎,所以搵埋佢哋同美儀姐一齊演,大家拍呢場時都喊晒,美儀都喊到收唔到聲,感覺非常好。」

下流上車族 原來呢場戲係林敏驄提議加拍,而單單係試戲,大家已經攬住喊足8分鐘。
原來呢場戲係林敏驄提議加拍,而單單係試戲,大家已經攬住喊足8分鐘。(圖片來源:《下流上車族》截圖)

林敏驄喺社交網上載當日花絮照,透露試Take時已淚如雨下,四人更相擁喊足8分鐘,佢留言:「1sttake已經是相當滿意達標,稍作休息,看看playback,閒話家常,說說笑,大伙吃著美儀煮來的雞翼,休息十分鐘,再來一take,一揮而就,工作本來就應該是這樣。」

下流上車族 噚晚一集仲有感人場口,鮑姐與孫仔太郎重聚。
噚晚一集仲有感人場口,鮑姐與孫仔太郎重聚。(圖片來源:《下流上車族》截圖)
下流上車族
(圖片來源:)林景程帶仔仔返香港探鮑姐。(圖片來源:《下流上車族》截圖)

曾志偉現身支持笑談收視約定

日前《下流上車族》一眾演員相約看劇集播出,期間曾志偉更現身支持劇組,該劇收視不俗曾志偉被問到和林敏聰的收視約定時,他笑言:「裸跑媽,我依家去街市買緊隻『螺』。」引起全場大笑,林敏聰表示一早預計曾志偉「唔認數」,更反問:「你第一日識佢咩?」

下流上車族 曾志偉現身,笑談與林敏聰之約。
曾志偉現身,笑談與林敏聰之約。(圖片來源:TVB 娛樂新聞台)
下流上車族 曾志偉唔認數,林敏聰笑言預料之內。
曾志偉唔認數,林敏聰笑言預料之內。(圖片來源:TVB 娛樂新聞台)

林敏驄的小朋友對於父母離婚有什麼行動?

在父母離異後,跟隨母親陳伶俐生活的他,曾經主動鼓勵母親主動去…詳見:林敏驄大仔遺傳爸爸好基因

陳伶俐改嫁新加坡富豪後,居山頂億半豪宅?

陳伶俐婚後搬入夫家位於山頂富豪級地段的布力徑獨立屋,屋內面積達三千呎、全海景花園超過千呎,以市值計算,物業價值超過億半。點擊即睇:豪宅室內圖

撰文:東方新地圖片來源:《下流上車族》截圖、TVB 娛樂新聞台、TVB (official)、