NG

不死人喬文傑 演盡古今角色

《純熟意外》昨晚第16集終於揭開喬文傑(吳啟華)同殷然(蔡思貝)關係,原來二人真係父女!得知真相後,一向鍾意傑嘅然當然大受打擊,而且對傑呃咗自己廿幾年感到好嬲!而傑嘅管家克萊(周驄)為令然對傑改觀,主動跟然說清楚傑身世及整件事來龍去脈,更解釋傑如何由普通人變不死人!之後,傑以唔同身分及打扮現身,睇番啲造型勁似吳啟華以往演出嘅經典角色,真係穿越時空演盡古今角色,果然活足七百幾年!

揭父女關係

當傑自認係然爸爸,然當然大感愕然,傑又說跟然母親穎兒(李施嬅)認識經過,當年兒係醫生,因為一次救人而相識!兒本來不適合生育,但一意孤行,結果生完BB(殷然)就失血過多而死!然唔信,仲話自己父母於四年前一場意外中死去!傑解釋一切都係佢安排,仲話然的父母只係佢安排的養父母而已,然不信,傑說有需要可做親子鑑定!然聽後憤怒離開!

克萊揭傑不死之謎

傑嘅管家克萊帶然到一屋中,訴說傑身世之謎!克萊話所有事應由元朝開始講起,然感驚訝!萊說當時傑係元朝漢人,名叫滕初九,係文武雙全嘅將軍,受當時皇帝器重,所以負責護送月牙公主(李施嬅)嫁往高麗!

公主傾慕

傑長得英偉不凡,而且事事照顧周到,令月牙公主傾慕!之後公主更佢上馬車,盡訴心事,又對自己被嫁去高麗感到好無奈,於是拿出一對陪嫁青瓷杯跟傑對飲,請求帶佢離開。傑因為怕連累家人,有可能會全家抄斬,因此並冇應承,公主大感失望!

食仙丹變不死人

傑最帶公主出走,當然一路被官兵追殺,而傑為救公主中箭倒地,眼見傑即將死去,公主於是拿出一粒永生丹俾傑食,傑即時起死回生!

公主難逃一劫

可惜救得了傑,公主卻中箭,傑只有目送公主死去,公主最後跟傑說來生再見,情境好淒美!而傑只能含淚睇住公主離世,最後更因太傷心而暈倒,之後傑與已死嘅公主被抬至亂葬崗,傑醒來時見公主屍體就在佢身旁,傷痛無比大叫起來!

自殺都唔死

克萊指傑食咗永生丹後,從此有不老之身,更有自癒能力,所以之後隱姓埋名做普通百姓。不過七百幾年來,多次目送親人離世,傑感到好痛苦,後來活到現代,更曾試過打針自殺,可惜佢係有自癒能力嘅不死人,最後都唔死去!

吳啟華玩盡全世界!

咦喂,咪住先,睇番吳啟華喺劇中,由元朝演送別親人嘅古代人,到現代想自殺嘅醫生造型,勁似佢以前演過經典人物角色,依家同大家回味吓!

 

《倚天屠龍記》張無忌

 

《玉蒲團之偷情寶鑑》未央生

 

《滿清十大酷刑》楊乃武

 

《妙手仁心》程至美

全文完

 

延伸閱讀︰

全力反小三 娛圈正印站起來!

小花殺手黃子恆 媾李佳芯 吳若希撻Q