中伏包錯女 揭吳卓林新歡有拍拖十年男友

現年17歲的吳卓林,同阿媽吳綺莉關係時好時壞,今年三月卓林戀上三十多歲加籍同性網絡紅人Andi,同阿媽鬧大交,再次離家出走兼輟學,與女友在北角劏房同居,早前更在網上Man爆出櫃:「I’m gay」 卓林輟學打工養女友愛得轟烈,但原來Andi早有個拍拖十年的男友Rex,就算同卓林一齊, Andi仍與Rex糾纏不清,可憐17歲的卓林為女友與阿媽反目,未知世途險惡,錯愛雙向中女隨時被重傷!

吳卓林出櫃:「I’m gay」

吳卓林早年曾經報警求助,指遭阿媽吳綺莉虐打,一度離家出走,後來方與阿媽冰釋前嫌。今月初卓林更在lG 貼出「I’m gay」,正式出櫃,認愛三十多歲的加籍網紅Andi ,兩人更在社交網互發愛的宣言,日前卓林再貼文預祝同女友Andi拍拖9個月,繼續深情表白:「你打開了我的心和思想,看見這個世界的好,親吻我每一道傷痕,⋯⋯⋯⋯⋯你是一切,甚至更多,我很愛你,我的公主!」

吳卓林

 

曾任幼稚園教師的Andi,因幫卓林補習數學而撻著,更一度跟卓林回吳綺莉屋企居住,卓林亦因此同阿媽吳綺莉鬧大交,再次離家出走,最初就搬入Andi在灣仔的寓所同居,直至今年八月才搬到現時北角新竇。為養女友,現時卓林任兼職攝影師,月入僅得萬多元,還要靠阿媽畀生活津貼幫補。

兩人搭地鐵,都係卓林畀錢買車飛!真係吳綺莉話齋,女兒有能力養到三十歲女友,佢都好慶幸!
兩人搭地鐵,都係卓林畀錢買車飛!真係吳綺莉話齋,女兒有能力養到三十歲女友,佢都好慶幸!

 

卓林慳家養女友

為養女友,現時卓林任兼職攝影師,月入僅得萬多元,日常生活樣樣都要慳住使!日前本刊拍得卓林與Andi一早出發,啃個包做早餐,然後Andi就陪卓林返工!去到中午,二人都只去熟食市場食碗麵,食剩仲要打包拎走!卓林食完麵仲在銀包摷出大堆散銀埋單。

 

卓林與Andi食了約二十分鐘,就行去附近天橋底傾偈,卓林仲攞煙出嚟食。 兩人有講有笑非常甜蜜,見卓林望住女友笑過不停,熱戀中嘅情侶,真係點玩都咁開心!

吳卓林新歡有拍拖十年男友

愛得不能自拔,完全沉溺愛河的卓林,根本唔知女友早有個拍拖十年的男友Rex,Andi認識卓林先突然轉性向!Andi與Rex同居多年,兩人更加拍下不少親密相,就連嘴對嘴濕吻都有。據知兩人一直都係同居,愛得好癡纏,自拍埋一大堆親密相!Andi仲帶過Rex去佢加拿大老家!

 

兩人曾一齊在手腕紋上愛的紋身!

 

Andi同Rex以前一齊養的狗仔Sushi,依家仲喺Rex屋企,Rex當正Sushi係自己同Andi 個仔咁,十年感情難捨難離,Andi至今都不時會去探Sushi!

吳綺莉搵郭秀雲哭訴

已經三個月冇見女兒的吳綺莉,女兒宣布出櫃前毫不知情,唔想同女兒關係再惡化,惟有繼續撐愛女表示:「其實卓林有能力照顧三十歲的女友,做阿媽嘅都感到慶幸,我會視依家情況係佢人生經歷,係體驗生活。」事實卻擔心到精神緊張晚晚失眠,不停要搵好友郭秀雲哭訴。已經壓力爆煲的吳綺莉,知道女兒唔迫得,現時只能以觀望態度,希望女兒有一日能明白佢苦心,醒覺搬返屋企!

 

郭秀雲早前就睇唔過眼,在卓林社交網留言炮轟卓林女友:「佢只係十幾歲小朋友,始終未了解呢個世界有幾危險!我講嘅問題唔係同性關係,佢嘅問題係一個老師與未成年學生嘅關係,當中包括好多唔好嘅行為,一名教師有違專業操守,誤導未成年的人才是問題,如果該教師是男性會受到外界指摘,因為佢哋係同性,所以冇人理,亦冇人知點處理!」

全文完