中年好聲音

中年好聲音10強戰|龍婷首度唱廣東歌獲一致好評 甜美林鉫徫遭肥媽狠批

最新娛聞

廣告

無綫綜藝歌唱真人騷《中年好聲音》自播出以來除了收視節節上升,網上曝光及觀看率亦先後報捷,截至剛過去周末,《中年》網路平台曝光率亦超過2億,觀看率接近3,000萬,成績斐然,周日(26日)晚播出的第17集,十強激戰首個回合選唱《煇黃經典》,賽制方面亦有新玩法。

即睇《中年好聲音》10強選手背景懶人包

《中年好聲音》新賽制 增設累積排名+回合MVP

中年好聲音》10強戰由今個回合開始,緊接之後連續三個回合均 增設累積排名分,每個回合獲得第一名的選手,可獲累積排名分10分,第二名的選手則可獲9分,如此類推,每個回合均會選出「回合MVP」,獲MVP殊榮者可額外獲得2分。每個回合累積排名分數最低選手將被直接淘汰,如出現累積排名分同分情況,該回合最低分者會被淘汰;換言之經過四個回合比賽後,最終將剩下六強選手。

中年好聲音 本回合《中年好聲音》評審有:左起)周國豐、張佳添、肥媽、舒文嘉賓評審)、伍仲衡。
本回合《中年好聲音》評審有:(左起)周國豐、張佳添、肥媽、舒文(嘉賓評審)、伍仲衡。(圖片來源:TVB提供)

中年好聲音10強戰|龍婷首度唱廣東歌獲一致好評

龍婷演唱葉蒨文原唱嘅《 焚心以火 》,係首次於節目中唱廣東歌,尤其歌詞中的「火」字演繹到位,觀眾亦留言盛讚「歌藝、舞臺表達,粵語等多方面都有明顯的提升,變得更完美,值得恭賀」

丁文俊唱《網中人》低分出局

十強選手選唱顧嘉煇、黃霑嘅經典作品,爭取晉級九強嘅機會,今個回合累積排名分最低嘅一位參賽者將被淘汰!丁文俊 今次演唱張德蘭原唱嘅《 網中人 》,但嘉賓評審舒文認為佢表演未夠層次,原來唱歌都要識得留力嗌救命?

中年好聲音10強戰|第一回由吳大強打頭陣

十強首個回合出場序將根據參賽者年齡由高至低排起,故此第17集打頭陣者將是大熱門吳大強Bill哥哥!是集歌單為:吳大強《L.O.V.E.》、丁文俊《網中人》、李佳《上海灘》、顏志恒《摘星》、龍婷《焚心以火》、涂家堯《當年情》、林鉫徫《問我》、羅啟豪《奮鬥》、支嚳儀《愛定你一個》及周吉佩《畫出彩虹》。

中年好聲音 吳大強嘅招牌動作,係咪好有親切感。
吳大強嘅招牌動作,係咪好有親切感。(圖片來源:TVB提供)

舒文評吳大強:好慢好悶咁

以「療愈」見稱的Bill哥哥,是次搖曳台風歸位又唱又跳之餘,更大送心心,非常討喜。雖然Bill哥哥傾情 獻唱,但評審們卻唔多受落,出名嚴格的嘉賓評審舒文便直指Bill哥哥欠變化:「成件事最要好啲係La La La嗰段,因為La擺得太低,變咗好似好慢好悶咁。」

中年好聲音 Bill哥哥今次仲會邊唱邊跳。
Bill哥哥今次仲會邊唱邊跳。(圖片來源:TVB提供)

周國豐建議吳大強搵四名仔仔助陣

周國豐則直指Bill哥哥關鍵失分是「一個頂幾個」,並笑言應該請四名仔仔助陣:「一個人頂晒呼吸方面會出現難題,不如你搵埋你嗰四個仔喺後面幫手,佢哋唔唱,淨係La La La同幫手跳舞,畫面都肯定好正。」到底Bill哥哥最終會否因一時失手大熱倒灶呢?

中年好聲音 周國豐話Bill哥哥一個頂幾個其實係好有難度。
周國豐話Bill哥哥一個頂幾個其實係好有難度。(圖片來源:TVB提供)

中年好聲音10強戰|顏志恒編曲失手遇滑鐵盧

今集賽果可算是出人意表,除了Bill哥哥,另外三位人氣選手顏志恒、林鉫徫及周吉佩亦先後出狀況。一心以勵志Tone獻唱擇星的顏志恒,雖然想以歌詞「星遠望似高,卻未算高,我定能摘到」強調勇敢追夢的心,可惜卻因編曲時未有留意歌詞中的故事性,而遇上滑鐵盧,周國豐表示:「唔可以隨便改結構,影響咗故事性,帶唔出應有嘅Message」,伍仲衡亦說:「你有時改咗啲Phrasing好怪,又唔會令我覺得好聽咗。」肥媽更直指志恒咬字有問題。

中年好聲音 顏志恒選唱嘅歌曲雖然好有意義,但就因為phrasing問題出事。
顏志恒選唱嘅歌曲雖然好有意義,但就因為phrasing問題出事。(圖片來源:TVB提供)
中年好聲音 伍仲衡仲話唔覺得好聽咗。
伍仲衡仲話唔覺得好聽咗。(圖片來源:TVB提供)

中年好聲音10強戰|周吉佩被要求升一度重唱

至於自彈自唱、Rock爆上陣的周吉佩,雖然表演極盡視聽之娛,但卻因選錯Key失卻不少分數,並遭舒文即場要求升一度重唱一段,情況同樣令人擔心。

中年好聲音 周吉佩畀舒文要求重唱,到底係好事定壞事?
周吉佩畀舒文要求重唱,到底係好事定壞事?(圖片來源:TVB提供)

中年好聲音10強戰|林鉫徫遭肥媽狠批:聽到我毛管戥

而早已被認定是唱得之人的林鉫徫,是集將告別招牌「肉緊」及「壓逼感」,轉Style以甜美風獻唱《問我》,雖然笑容甜美兼傳遞出滿滿正能量,但肥媽似乎並不受落,搞笑叫鉫徫「唔好玩嘢」:「首歌真係唔係你(唱開嗰種),我都要望吓你係咪搞錯咗。依家哩,嚟到十強唔好玩咁多嘢,你仲要再吊起咗把聲,問我乜乜乜,邊度好聽啫;你要有你自己,聽到我毛管都戥埋。」

中年好聲音 與以往完全不一樣嘅甜美林鉫徫,唔知大家又受唔受。
與以往完全不一樣嘅甜美林鉫徫,唔知大家又受唔受。(圖片來源:TVB提供)

肥媽扮嬌俏引舒文動殺機

肥媽邊說邊歌癮大發,除模仿鉫徫以嬌俏Tone唱了數句《問我》,還臨場加演「數白欖版」;雖然肥媽玩得開心,但卻遭舒文潑冷水謂:「好彩肥媽你頭先扮嗰個聲唱兩句咋,你唱多一句我動殺機架喇。」

中年好聲音 肥媽扮嬌俏兼同舒文鬥氣呢 part 勁好笑。
肥媽扮嬌俏兼同舒文鬥氣呢 part 勁好笑。(圖片來源:TVB提供)
中年好聲音 十強參者者仲有:丁文俊《網中人》。
十強參者者仲有:丁文俊《網中人》。(圖片來源:TVB提供)

《中年好聲音》總決賽嘉賓評判有三位巨星駕臨?

《中年好聲音》總決賽即將於4月23晚進行直播,不但主持陣容加馬,評審陣容方面,除了有四位固定評審外,還邀請到三位重量級樂壇前輩駕臨電視城⋯⋯按此10強參賽者背景懶人包

《中年好聲音夢想成真演唱會》售票優惠?

無綫宣布將會為優勝選手舉行《中年好聲音 夢想成真演唱會》,售票詳情及優惠請即看:演唱會售票詳情

撰文:東方新地圖片來源:TVB提供