中年好聲音2

中年好聲音2決賽︱一文看清5大花生位!古淖文服裝出事 難脫亞視味

最新娛聞

廣告

中年好聲音2總決賽︱TVB歌唱真人騷《中年好聲音2》最後7強正式誕生,將於今晚(24日)舉行總決賽,並邀請到楊千嬅加盟做評審,引起網民熱議。總決賽未開始已經有咁大花生,相信今晚精彩片段一定唔少,以下就為大家直擊《中年好聲音2》總決賽5大花生位!

中年好聲音2決賽︱花生位 1. 楊千嬅被狠批「評語超廢」

今晚除了有5位固定評審之外,楊千嬅亦有份擔任特別嘉賓。雖然楊千嬅擔任評審的消息一傳出後即刻惹來大批網民負評,但楊千嬅似乎未有受到影響,在比賽開始前講足兩分鐘鼓勵最後7強參賽者:「坦白講,頭先見到opening好感動。我相信今晚係比賽模式去演出,但我相信對參賽者感情重量,唔係我作為評審可以感受到。」在首位參賽者沈宗賢唱完之後,楊千嬅就只是不斷表示被沈宗賢感動到,並沒有正面評論沈宗賢的唱歌技巧,網民都紛紛狂踩:「咪扮專業啦咁多廢話」、「楊千樺問咗啲問題好廢」、「楊千嬅D 評語好廢」等。

(圖片來源:TVB)
楊千嬅擔任今次決賽的特別嘉賓。(圖片來源:TVB
0
一出場就講足2分鐘鼓勵說話。(圖片來源:TVB
0
不斷表示被沈宗賢感動到,沒有正面評論對方的唱歌技巧。(圖片來源:TVB

中年好聲音2決賽︱花生位 2. 楊千嬅想開咪被Cut走

除了被網民狠批評語「廢」之外,在慢歌環節中,楊千嬅想講評語更慘被Cut走。當譚輝智唱完後,肥媽等人都相繼講出評語,車婉婉連網民意見都講完之後,楊千嬅突然想開口講評語,當楊千嬅拿起咪講到:「我知我嚴謹…」後,鏡頭突然一秒轉回台上,車婉婉亦隨即介紹下一位出場參賽者,搞到楊千嬅默默放低支咪繼續睇比賽。

0
原本楊千嬅想開口講評語…(圖片來源:TVB
0
但因為慘遭「硬Cut」,所以乖乖放低支咪繼續睇比賽。(圖片來源:TVB)

中年好聲音2決賽︱花生位 3. 車婉婉開場被指扮林海峰

中年好聲音2》決賽一開場就有車婉婉為每個參賽者作介紹,不但拿譚輝智「馬主」身份抽水,又大搞爛Gag指古淖文是「古生」,有身份有地位,最近仲有好多「古粉(股份)」,聽到一班網民都表示好尷尬:「好悶呢part」、「好無聊啊,係咁揼時間」、「做乜無啦啦林海峰上身?係咪扮叱吒?」、「好尷尬」等。

0
車婉婉連譚輝智爸爸都照Que。(圖片來源:TVB)
0
又搞爛gag指古淖文係「古生」,有地位有多「古粉」。(圖片來源:TVB)
0
睇到無論網民定參賽者都好尷尬。(圖片來源:TVB)

中年好聲音2決賽︱花生位 4. 「馬主」譚輝智舞姿笑爆全場

向來不太擅長跳舞的譚輝智,今次在快歌環節落力又唱又跳張學友的《屈到病》,舞步雖然有點滑稽,但睇到全場都好開心,連本人都忍唔住笑。主持車婉婉就笑指譚輝智似吃了「散骨丸」。評審之一的陳慧嫻就笑指譚輝智的舞步似體操,不過雖然舞姿麻麻,但歌聲就無得頂!

0
唔擅長跳舞的譚輝智都超落力(圖片來源:TVB)
0
啲舞姿笑爆全場(圖片來源:TVB)

中年好聲音2決賽︱花生位 5.古淖文服裝出事 難脫亞視味

至於《中年好聲音2》大熱之一的古淖文就在快歌環節選唱《冬天裡的一把火》,雖然歌聲和舞步都獲評審一致激讚,但網民就覺得古淖文服裝大炒車,有種陳展鵬亞視時期照片的直視感:「陳展鵬套衫」、「撈味好濃」、「其實佢唔着底衫係咪好啲?不過變得好gay」等。

0
網民就覺得古淖文服裝大炒車,有種陳展鵬亞視時期照片的直視感(圖片來源:TVB)

中年好聲音2決賽︱同場加映:陳俞霏唱《蜚蜚》表現強差人意

在首個環節「慢歌環節」中第三位出場的陳俞霏,選唱了炎明熹曾經在《聲生不息》中唱過的《蜚蜚》。選曲夠曬吸引,不過陳俞霏首段就已經唱錯歌詞,雖然一眾評審大讚表現不俗,但一班網民唔收貨,紛紛留言表示:「咁樣叫唔差?」、「喂D高音冇聲嘅」、「咁都唔差?好差喎」等。

0
網民都認為陳俞霏唱《蜚蜚》表現強差人意(圖片來源:TVB)
0
同憑《蜚蜚》一曲吸粉無數的炎明熹差太遠。(圖片來源:YouTube@聲生不息)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

圖片來源:TVB