中年好聲音2|顏米羔深情演唱奪全晚最高分!曾蜜詩改唱低音獲讚
中年好聲音2|顏米羔清唱搶焦
昨晚表現最亮眼的選手,非大熱顏米羔莫屬。紅隊顏米羔獻唱《留給這世上我最愛的人》,表演甫開始便大晒功架玩清唱,技驚四座;最終顏米羔憑深情演出贏得全晚最高分的 89 分。想將歌曲獻給家人的米羔,坦言從前少不更事,將屋企人放在最後的位置,直到最愛錫他的三家姐將他點醒,才意識到自己一直虧欠家人;三家姐當晚亦有到現場為米羔打氣,令他感動落淚。對於米羔演出,張佳添大讚:「你同舞台愈嚟愈連為一體,今日你嘅聲音係最穩定嘅一次,啲力嚟得好舒服,Powerful 之餘亦冇壓迫感,Feel 到你穿透又參透嘅感覺!」Jade 說:「你一開頭嘅清唱,我已經同肥媽講一定得啦,除非中間跣胎!」周國豐更直指:「你係今季其中一個大熱門。」
![大熱顏米羔再發功,深情獻唱《留給這世上我最愛的人》,最終獲得 89 分成為全晚最高分。](https://imgs.orientalsunday.hk/wp-content/uploads/2023/11/image_prefix_1_1004637385656416e2a38c1.jpg)
![顏米羔](https://imgs.orientalsunday.hk/wp-content/uploads/2023/11/image_prefix_2_533666184656416e6d9b19.jpg)
![顏米羔](https://imgs.orientalsunday.hk/wp-content/uploads/2023/11/image_prefix_4_718202237656416e85624b.jpg)
![顏米羔](https://imgs.orientalsunday.hk/wp-content/uploads/2023/11/image_prefix_6_963450376656416e8d695d.jpg)
中年好聲音2|谷婭溦搞掂硬頸曾蜜詩
紅組曾蜜詩則在谷婭溦的指導下,表現大躍進!以紅色旗袍+毛毛被肩上陣的曾蜜詩化身上海歌女、獻唱李香蘭的《三年》;擅長「嗌歌」的蜜詩一改風格大晒低音,最終獲得 87 分不俗成績,肥媽說:「真係要讚呀!好恭喜谷婭溦,蜜詩由第一屆(季)到依家成日嗌歌,但原來佢低音咁靚,之前冇人發覺佢有呢樣嘢,佢以前好唔聽話。」谷婭溦笑言:「依家佢真係好聽話,我講咩佢就做咩。」伍仲衡亦笑言:「恭喜你(曾蜜詩),你終於明白咩係唱歌,唱歌唔係鬥高音,你依家感動到人。」
![顏米羔](https://imgs.orientalsunday.hk/wp-content/uploads/2023/11/image_prefix_11_574631128656416ec0e87e.jpg)
中年好聲音2|鄭梓浩朱博文跳舞似蛤𧊅?
另一亮眼選手可算是鄭梓浩,外形斯文的梓浩與朱博文跳唱《冰山大火》,兩人勁歌熱舞一唱一和,非常合拍,最終獲得 87 分。梓浩大晒好「舞」功令人眼前一亮,伍仲衡笑言:「梓浩你令我刮目相看。」Jade 說:「博文你唱呢隻歌我諗應該掂啦,你唱《頭髮亂了》唱得好好,點知你被梓浩比下去,梓浩今日使盡渾身解數,拋低咗好多包袱。」張佳添則笑說:「好開心你哋唔吝嗇你哋嘅肢體,雖然有啲位跳到有啲似蛤𧊅,你哋仲要着住綠色衫,但呢個冇扣你哋分,我睇得好開心。」
![顏米羔 鄭梓浩左)同朱博文跳唱《冰山大火》,表現亮眼。](https://imgs.orientalsunday.hk/wp-content/uploads/2023/11/image_prefix_18_895253453656416e444282.jpg)
中年好聲音2|尹新杰出局冇遺憾
獲得上半場最低分的藍組,經評審團退庭商議後須淘汰尹新杰,肥媽說:「邊個走我哋都唔想,只好揀(藍組)最低分嘅一個。」樂觀的尹新杰叫大家不要哭,並說:「我特別感謝老師和隊友,我在這裏認識了這麼多好朋友,其實我已經把我自己想唱的都唱出來,我沒有甚麼遺憾。」
![顏米羔 尹新杰今集被淘汰,藍組嘅隊友都好唔捨得佢。](https://imgs.orientalsunday.hk/wp-content/uploads/2023/11/image_prefix_23_2074274669656416e6529d8.jpg)