事隔30年 鄭敬基黃寶欣再合唱〈 酒杯敲鋼琴 〉

逢星期日晚播出的TVB歌唱節目《流行經典50年》勾起了唔少觀眾的集體回憶,為大家帶來一張張久違的熟悉面孔,獲得一致好評。昨晚一集中,鄭敬基同黃寶欣事隔30年在電視上再度合體,唱出經典合唱歌〈 酒杯敲鋼琴 〉,兩人依舊唱功一流,默契十足,真係好似返咗30年前咁!

黃寶欣 唱功依然勁

1980年代,鄭敬基與黃寶欣推出合唱歌〈 酒杯敲鋼琴 〉意外爆紅,成為當年紅極一時的熱爆K歌,被外界認定係樂壇情侶。多年後的今日,兩人再次在電視機面前合體,特別係黃寶欣令觀眾都驚喜十足!佢先唱出〈I’m Your Friend, I’m Your Lover〉、〈愛上一個不回家的人〉等膾炙人口的金曲,中氣十足音音皆準,keep得好!

〈 酒杯敲鋼琴 〉30年後再現

「酒杯敲鋼琴,我心悶透 (你心悶透)!」鄭敬基同黃寶欣各自獨唱完,終於去到大家最期待的〈 酒杯敲鋼琴 〉!兩人對上一次在電視前合唱《酒杯敲鋼琴》已經係30年前的事,不過佢哋仍然合拍度十足,尤其大家都讚黃寶欣唱live功力一流,咬字清晰,好聽!

台風型爆 觀眾high爆

事隔30年,呢對老拍檔都已經年過半百,不過台風依然型爆,感染力十足,在台上時而拖手時而相擁,好似將觀眾帶回30年前,睇到熱血沸騰!唔知佢哋幾時開返個演唱會?

全文完