今井夢露

今井夢露 整容女優重返滑雪場 劍指下屆北京冬奧

喺南韓平昌舉行的2018年冬季奧林匹克運動會,有唔少選手突然成為風雲人物,好似被譽為「冰王子」的日本花式滑冰選手羽生結弦等等。而喺日本,竟然有一位AV女優今井夢露因為冬奧而被網民熱烈討論,原因係佢做女優之前其實係全國滑雪冠軍,近日佢重返滑雪賽場,仲喺比賽中大勝,決意四年後參加喺北京舉行的冬奧!

撰文:東方新地

圖片:網上圖片

今井夢露 2006年曾參加冬奧

呢位今井夢露今年30歲,原來佢12歲起已經係職業滑雪板選手,14歲成為全國冠軍,2006年代表日本赴都靈參加冬奧。可惜佢喺預賽就表現欠佳被淘汰,由日本獎牌希望變成千夫所指,慘遭不停的指責。之後今井夢露開始自暴自棄的人生,下海做陪酒女郎、從事援交、又有過兩次短暫婚姻,甚至有傳佢流產和墮胎等。

今井夢露
今井夢露

狂花300萬整容

06年冬奧後,今井夢露曾零碎參加國內的比賽,但都無辦法重回正途。佢又透露曾經覺得自己唔靚,所以多次整容,所以每隔一排個樣都會有啲唔同,佢自爆用喺整容上嘅金錢多達300萬日圓(約20多萬港元)!

今井夢露曾推出寫真集

下海拍AV做三上悠亞師妹

私生活混亂到不得了的今井夢露,慢慢開始豁出去,推出水著寫真、全裸寫真,最後喺2017年加入AV界,加入AV片商「Muteki」做三上悠亞師妹,出道作品叫《snow drop》,以滑雪做題材,讓自己的運動生涯作為AV嘅賣點。

今井夢露AV作品

重返滑雪場 劍指2022年冬奧

不過今井夢露原來已經有半年冇參與AV工作,近日悄悄重返滑雪賽場,參加咗第35屆全日本滑雪錦標賽。佢因為事務太忙而只用咗四日時間訓練,點知喺比賽中以90.75分大勝,拋離第2位選手至少14分,果然厲害!今井就話唔想再參與色情有關嘅工作,要回到滑雪的世界,希望能參加下一屆2022年嘅北京冬奧!

關鍵詞
AV女優