任達華

登六更有型 任達華 百變型男

香港娛圈盛產不老型男,如一眾登六者呂良偉、苗僑偉、鍾鎮濤等,當中喺《冒險王衛斯理之支離人》演白素老竇嘅任達華,愈老愈有型,且不時以新形象示人。今期搵嚟華哥不同年代嘅圖片,有型多變魅力盡顯。

撰文:東方新地│圖片:新傳媒圖片

任達華演紀侓部隊 入木三分

現年63歲嘅任達華多年來在影圈拍攝多套作品,電視電影皆有其影,而佢無論係外形定外貌,飾演紀律部隊都入木三分,其中喺《PTU》沙展一角就夠晒經典!

 

電影《PTU》劇照。
電影《衝鋒戰警》劇照。

電影《機動部隊》劇照。

77年激罕model相

任達華約74年以模特兒身份加入無綫藝訓班,77年22歲嘅華哥為某時裝雜誌做model,著上淺卡其色格仔西裝配白恤衫白西褲,更顯得佢180cm修長身形,個超大煲呔型過曾特首。

80年斯文上班族

1980年就嚟25歲嘅任達華喺無綫劇集《親情》演藥廠副總經理,老西一套超大金絲眼鏡,成個斯文靚仔媾死女上班一族。

82年孿毛含情look

任達華27歲電咗個大圈孿髪,無論西裝或西裝背心定頸巾,款式同顏色一啲都唔過時,加埋副含情脈脈深情look,冧死唔少女。

87年鬚根新形象

32歲嘅華哥大膽咁剪咗個平頭裝兼留鬚襯黑白間條套裝,再整咗個鹹蛋超人變身姿勢,感覺活力又不羈,形象令人耳目一新!

88年粗獷猛男

88年初任達華再整個鮑魚擦頭,鬍鬚留得更密更長,再襯黑皮褸,展現前所未有嘅粗獷猛男形象。

96年性感寫真集

任達華96年推出個人寫真集《SIMON SAYS…》,由當時嘅女友琦琦擔任形象指導,華哥全裸上陣,展示剛陽健康之美,係男星出性感寫真集嘅先驅。

水柱射下體

寫真集內不乏強烈水柱硬射身體場面,好在華哥以手同雨遮等作抵擋重要部位,畫面充滿動感同美感。

葫蘆曲線美

華仔效法裸女做葫蘆曲線甫士,同樣散發女性曲線嘅自然美態。

81-87年首任妻子

81年26歲嘅任達華同拍拖七年嘅空姐女友何瑞意結婚,但後嚟太太遠赴法國留學,因聚少離多兩人終於在87年辦理離婚。

88年母兄妹慶生

88年頭媽咪急召忙於拍戲嘅任達華返屋企飲湯,原來係任母、哥哥任達榮、妹妹夾計為華哥舉行舊曆生日慶祝會,令佢驚喜不已。

關鍵詞
任達華