伍允龍認愛李蔓瑩後首合體 戀情細節狂被問勁尷尬：可唔可以唔答？
伍允龍李蔓瑩情侶檔上陣吸金
伍允龍與女友Renee愛得高調，日前更首度合體現身支持《神奇4俠：英雄第一步》香港首映禮。二人打扮襯到絕，同樣以藍色外套配搭黑色長褲，情侶裝束閃爆全場。伍允龍更以一頭搶眼金髮示人，他笑言女友對新髮型相當滿意：「佢冇話唔好睇，應該係鍾意嘅。」二人全程笑容滿面，大方讓傳媒拍照，又向在場人士熱情揮手，甜蜜滿瀉。伍允龍透露之前也曾與女友同遊迪士尼，今次可以一齊睇戲感到非常開心，可見二人愛得火熱，將拍拖日常融入工作之中，羨煞旁人。
伍允龍獨自受訪勁怕羞 直言：開始有少少尷尬
雖然情侶檔現身，但伍允龍卻獨自接受訪問，他解釋並非自己安排，更力撐女友：「我諗佢自己一個做訪問都ok嘅，佢好叻㗎！」當被追問是否酬勞問題時，他則笑言只是來看戲。不過，當話題圍繞戀情時，一向大方的伍允龍竟顯得有點怕羞，更坦言對公開戀情後的狀態感到始料未及，直言：「原來公開咗係咁㗎！我以為公開戀情冇乜嘢問，我都開始有少少尷尬，可唔可以唔再答？」罕有地向記者求饒，似乎仍未完全習慣戀情公開後所獲嘅大量關注。
伍允龍新片煞科「跟得女友」李蔓瑩低調放閃 為女友做1事獲讚sweet到爆
47歲伍允龍早前公開認愛細13歲嘅「宅男女神」李蔓瑩，兩人戀情一直備受關注。伍允龍近日與安志杰、張建聲、何慈茵等在內地拍攝新片《怒襲》，而煞科當日伍允龍亦帶住「跟得女友」李蔓瑩齊齊現身殺科宴，再度引起網民熱議……
伍允龍帶李蔓瑩現身殺青宴引熱議
伍允龍近日出席新片《怒襲》殺科宴時被網民偶遇，而「跟得女友」李蔓瑩亦係座上客之一。雖然伍允龍事後在社交平台只曬出與安志杰嘅吳建豪的合照，但係被捕獲孖女友出行仍然引來唔少網民熱議：「殺青宴都帶上女友，真甜蜜」、「是帶家屬現身的意思嗎」、「都帶去見兄弟了，甚麼時候有好消息？」、「郎才女貌」等。
伍允龍為愛「撲飛」陪女友睇周杰倫演唱會
除咗工作場合，其實2人私下亦十分恩愛。早前台灣天王周傑倫在啟德舉行三場演唱會，李蔓瑩於社交平台曬出現場照片，盡情投入演出。雖然相片未見伍允龍身影，但同日他亦在限時動態分享睇騷畫面，並感謝好友吳建豪幫忙取得門票，被網民猜測係陪女友入場，展現「為愛碌人情卡」的貼心舉動。
