伍允龍350磅feature

《兄弟》伍允龍打出350磅重拳 數字原來隱藏密碼……

無綫劇集《兄弟》已經播出大半,三位男主角喺劇中嘅打戲實在令人睇到非常投入,近期劇情講到伍允龍飾演嘅何鐵男參加張非凡(王浩信飾)舉辦昇龍決拳賽,喺賽前「試拳」時打出一眾參賽者中最強的350磅,震攝全場!

撰文:東方新地 |圖片:劇集截圖

伍允龍打出350磅重拳

雖然伍允龍無緣喺今屆頒獎禮爭獎,不過佢喺《兄弟》入面打場拳拳到肉,完全帶領到劇情緊張氣氛。最近劇情就講到佢參加拳賽,而每個選手喺比賽之前都會有一日係上台騷肌肉兼試拳,伍允龍就打出350磅重拳,係芸芸選手中最強!

伍允龍

嚇到對手眼定定

破埋大會紀錄添

記者們都即刻衝上前訪問

唔熟悉打拳嘅觀眾可能唔明白350磅有幾勁,正常一個普通男人可以打出150磅,已故拳王阿里以260磅體重打出近350磅。而一代傳奇功夫巨星李小龍以130磅體重打出350磅並列入健力士世界紀錄大全,有指《兄弟》劇組寫呢一幕係想向李小龍致敬。

伍允龍話900磅就可以打斷大脾骨,外國亦搵咗70位拳手試擊拳,測出平均重量係776磅,最高達千3磅!專業拳手真係可以一拳打死人……