Feature

伍樂怡遊關島晒小蠻腰 3日2夜性感又陽光

夏天為大地帶來美腿,新一輯嘅無綫節目《3日2夜》就為大家帶嚟「仙氣Twins」是非精鄺潔楹(Judy)與落選港姐伍樂怡(Kelly)!睇住兩位靚女揸靚跑車遊關島,上天下海,曬完日光浴又跳傘又出海睇海豚咁,小編都已經好享受喇~自伍樂怡Kelly參選港姐起,其實已經獲唔少網民支持,最近唔單止有機會主持《3日2夜》,仲有參與唔同節目添,依家就一齊嚟睇下啦!

撰文:東方新地 | 圖片:TVB截圖、Instagram

《3日2夜》遊關島晒身材

一直唔少有潛質靚女都會喺無綫節目《3日2夜》跑出,而最新一輯就有「氣質女神」之稱嘅鄺潔楹(Judy)及伍樂怡(Kelly)同遊美國關島啦!呢對仙氣Twins唔單止外形討好,仲着上泳衣、短衫熱褲,全程帶著燦爛嘅笑容享受關島嘅陽光,除咗係「風光如畫」之外,就只能夠係「心鄺神怡」啦!

伍樂怡
仙氣Twins仲著埋泳衣,大賣陽光性感!
伍樂怡 3日2夜
睇見香車同美人,小編就已經覺得心情都靚哂啦~
伍樂怡
出海,梗係要晒下腿啦~
鄺潔楹
鄺潔楹同伍樂怡成程都笑容滿滿,陽光感爆棚!

 

流露真性情 好動加Fun

伍樂怡喺節目入面展現出活潑好動嘅一面,出海睇海豚更以「海豚音」超高頻叫聲試圖與海豚交流,流露童心同真性情,引嚟唔少笑聲,觀眾都對佢哋呢個組合非常受落。Kelly亦直認同Judy合拍,自己就直腸直肚,佢就大情大性,怪唔得之成個節目都可以一唱一和咁老友啦!

伍樂怡
挑戰騎動物嘅Kelly,雙腿真係好修長啊!仲大方露出小蠻腰~
伍樂怡
挑戰扭腰舞嘅仙氣Twins~
伍樂怡
探訪原住民查莫洛族時,Kelly仲挑戰鑽木取火!全程都笑容十足~
伍樂怡
佢哋學用斑蘭葉編織,就咁坐喺度,長髮飄飄,都好有仙氣啊!
伍樂怡
特別係Kelly陽光嘅外形,甜美嘅笑容,真係好適合今次嘅關島特輯!
一笑就更加靚女啦~
一笑就更加靚女啦~

仙氣Twins變真閨密

首次去關島嘅仙氣Twins,拍完《3日2夜》之後,更變成了閨蜜。伍樂怡話自己其實極貪玩又好即興,同Judy走埋一齊好多火花。佢哋可以做返自己大玩特玩,感覺就最自然啦!咁就真係變咗真正嘅閨蜜遊喇~

鄺潔楹

鄺潔楹
雖然被封仙氣Twins,但Judy則笑稱配不上呢個稱號,因為好多Twins身形差唔多,但佢哋身高就差一截喎!

晒完小蠻腰喺關島食到腫?!

閨密同遊的話,當然要享受美食啦。原來經常露出小蠻腰的伍樂怡,就因為今次拍攝而肥了幾磅。不過佢就話自己除咗條腰都冇咩好露,亦冇特別keep過,去到關島仲要食咗咁多嘢,好彩拍到尾聲先開始腫出嚟!

伍樂怡
真係關係好好咁喎~

健康性感!運動風女神伍樂怡

其實Kelly不嬲行運動風,返到香港冇耐就瘦返晒,食多少少都冇有怕啦!佢當年參選時已經狂騷腹肌,身材靚又有線條,唔係剩係得男仔先會睇,好多女仔都勁羨慕Kelly個身形。

小編都好想同Kelly瘋狂行山!

Kelly受訪時,曾表示身形咁Fit,唔需要特別節食,相反佢話要多食多運動,所以平時成日都會跑步鍛鍊。

雖然Kelly望落斯斯文文,不過原來佢幾鍾意戶外活動,成日有唔少騎馬、行山等等的靚相,生活都好健康!其中一張「回眸一笑」圖中,仲令人清楚睇到其玲瓏浮凸身材……

港姐大熱倒灶 做美女學徒有望跑出

2017年落選港姐伍樂怡(Kelly)雖然去年三甲不入,最近除咗有得拍《3日2夜》,仲成為美女學徒之一,Kelly表示自己喺加拿大時都經常下廚,三餸一湯無難度,節目中則會以「開心果牛油果焗三文魚」參賽!

大台力捧 疑被杯葛

《美女廚房》每集會有5分鐘的下廚時間讓3位學徒上鏡,其他學徒就變成人肉佈景板。有指頭兩集播出後,有外援組學徒沒有上鏡機會,而大台親生女伍樂怡、王卓淇、單文柔等就有大特寫同對白。

伍樂怡
不過有傳,伍樂怡疑似因為大台力捧經常出鏡,而遭到其他美女學徒杯葛。

其實,伍樂怡作為親生女在大台發展得算是不錯,在藝員訓練班培訓了幾個月,就已經安排她主持《Think Big 天地》、《3日2夜》、《安樂窩》等節目,待遇甚至比同屆港姐冠軍雷莊𠒇更好!小編亦好期待Kelly日後嘅表現,唔知大家點睇佢嘅發展呢?