何依婷

何依婷不敵羅天宇冧招 被傳撻著4個月 此地無銀回應話唔多熟

最新娛聞

廣告

羅天宇被封「女神收割機」,全因前度與緋聞女友個個都係女神級,有苟芸慧、湯洛雯,陳瀅、戴祖儀等等,最近再傳33歲的羅天宇出冧招媾掂27歲的何依婷,更已秘戀4個月,有指二人在新劇《十月初五的月光》煞科宴上偷偷拖手,不過何依婷就話係劇情需要,仲話私底下唔多熟冇聯絡。

撰文:東方新地 圖片:羅天宇IG、何依婷IG、新傳媒資料庫

何依婷拍《十月初五的月光》墮情網

羅天宇向來無寶不落,今次被指媾掂17年港姐亞軍何依婷,之前二人合作拍無綫新劇《十月初五的月光》,被指拍劇時互生情愫,羅天宇為博女神一笑,曾為她夾公仔,早前更被目擊在燒烤煞科宴上,情不自禁偷偷拖手。

何依婷
何依婷與羅天宇合作拍《十月初五的月光》傳撻著。(圖片來源:新傳媒資料庫)
拍劇期間,羅天宇與何依婷私底下有不少甜蜜互動。(圖片來源:羅天宇IG)
拍劇期間,羅天宇與何依婷私底下有不少甜蜜互動。(圖片來源:羅天宇IG)

何媽媽棒打鴛鴦

有傳一直悉心栽培女兒的何媽媽知道何依婷與羅天宇撻著後,大為緊張,因為男方個底花成咁,恐怕會影響女兒的大好前途,所以不惜一切棒打鴛鴦,更出動人盯人戰術,阻止羅天宇埋身。

羅天宇曾化身夾公仔達人,夾公仔冧何依婷。(圖片來源:何依婷IG)
羅天宇曾化身夾公仔達人,夾公仔冧何依婷。(圖片來源:何依婷IG)
二人不時打情罵俏,何依婷在羅天宇面前表現出少女的一面。(圖片來源:何依婷IG)
二人不時打情罵俏,何依婷在羅天宇面前表現出少女的一面。(圖片來源:何依婷IG)

何依婷:只是拍劇朋友

何依婷與羅天宇合作拍劇幾個月互動甚多,而且劇中二人又有感情戲,撻著都唔出奇,不過何依婷回應戀情時竟然直呼冤枉否認,仲話同羅天宇唔係好熟,只是拍劇朋友,大家都是工作上好努力的人,不想同工作拍檔有不必要無謂的關係,至於羅天宇為她夾公仔,她解釋是劇集情節,工作後再冇私底下見過面,完全冇聯絡喎!

拍劇幾個月日對夜劇,何依婷卻回應同羅天宇唔多熟。(圖片來源:羅天宇IG)
拍劇幾個月日對夜對,何依婷卻回應同羅天宇唔多熟。(圖片來源:羅天宇IG)
兩人戀情不被何媽媽祝福,有指何媽媽有感羅天宇形象花心,而女兒前途一片光明,不欲女兒因拍拖阻礙事業發展。(圖片來源:何天宇IG)
兩人戀情不被何媽媽祝福,有指何媽媽有感羅天宇形象花心,而女兒前途一片光明,不欲女兒因拍拖阻礙事業發展。(圖片來源:何天宇IG)

成功上位做女一

17年港姐亞軍何依婷 (Regina) ,曾在劇集 《機場特警》演 「絕世港女」KOL,著熱褲冧楊明摸大髀兼三點式倒奶洗車,演出搶晒鏡,快過一班特警搶閘出線。成功衝入上位花旦之列,全賴有真假兩個阿媽背後發功力谷,畢業後在律師樓打工的何依婷,在何母鋪路鼓勵下參選港姐,參選期間又得高層樂易玲加持,成功獲獎跳入港姐搖籃,被點名力捧飛上枝頭,不過新一代索女神野心勃勃,上位不久已火速飛甩拍拖數年的圈外男友,目標為本,Regina當然明白做單身女王機會更加多!

何依婷近年備受無綫力捧。(圖片來源:何依婷IG)
何依婷近年備受無綫力捧。(圖片來源:何依婷IG)

何依婷修長索腿熱爆討論區

原本擔任兒童節目《 Think Big天地》主持的何依婷,年前被安排加入《學是學非》做是非精開始受注目,首度拍劇又拍到《機場特警》一個出位角色,甫出場即同楊明有一場火熱摸大髀戲,因而熱爆討論區,擁有修長索腿兼煞食甜美笑容,令何依婷加晒分,即使做「絕世港女」一樣唔討厭,更令一班宅男睇得肉緊神魂顛倒,跪求女神有更多突破演出。

身高五呎三吋的何依婷,甜美笑容好有鄰家女孩特質,更勝在身材勻稱,加上夠博又聽話,一劇便成功入屋,前途無可限量。
身高五呎三吋的何依婷,甜美笑容好有鄰家女孩特質,更勝在身材勻稱,加上夠博又聽話,一劇便成功入屋,前途無可限量。
首度拍劇的何依婷,在《機場特警》演港女KOL,角色出位亮眼,甫出場已經有一場被楊明摸大髀戲,大騷長腿之餘又引起一班宅男嬲嬲豬替她不值,火速引起網民熱論。
首度拍劇的何依婷,在《機場特警》演港女KOL,角色出位亮眼,甫出場已經有一場被楊明摸大髀戲,大騷長腿之餘又引起一班宅男嬲嬲豬替她不值,火速引起網民熱論。

何依婷聽阿媽話 參選港姐放眼世界

原來索女神上位路,要多得兩個阿媽背後力谷。悉心栽培愛女成材的何媽媽,教出一個品學兼優女兒,以一級榮譽生畢業於香港城市大學商學院的何依婷,學業成績名列前茅,曾經獲獎學金到美國史丹福大學、英國列斯大學做交換生,畢業後更考入名列四大的律師樓工作,做金融之花收入穩定,不過何依婷卻在阿媽鼓勵下辭職而去參選港姐,逆轉人生。據知情者透露:「Regina好乖女,自細已經好聽媽咪話,就算升學揀邊科都會同媽咪有商有量,何媽媽思想好開明,好鼓勵個女放眼世界,所以一路都好鼓勵個女去選港姐,覺得呢個係女仔夢寐以求,一個不可多得嘅經驗,反而係Regina自己唔夠自信,直到入咗律師樓工作,個人信心大咗,再加上媽咪不停推動,鼓勵佢趁年輕把握機會去試,話輸贏唔重要,最重要係唔好畀自己將來後悔,有阿媽大力支持,最後Regina決定一試!」

畢業後從事金融工作的何依婷,17年在何母鼓勵下棄高薪厚職參選港姐,入行三年終成功彈起,悉心栽培女兒入娛樂圈發展的何母,打扮的確有幾分星媽風範。
畢業後從事金融工作的何依婷,17年在何母鼓勵下棄高薪厚職參選港姐,入行三年終成功彈起,悉心栽培女兒入娛樂圈發展的何母,打扮的確有幾分星媽風範。
17年參選港姐得高層樂易玲加持的何依婷,決賽當晚原本以四票領先,不過最終因為校長評判 Do姐的兩票,而敗給冠軍雷莊𠒇,屈居亞軍。
17年參選港姐得高層樂易玲加持的何依婷,決賽當晚原本以四票領先,不過最終因為校長評判 Do姐的兩票,而敗給冠軍雷莊𠒇,屈居亞軍。

樂易玲曾公開點名讚 高層點頭容許港姐騷身材

除了擁有女神條件,天資聰穎的何依婷,受訓期間已有突出表現,口齒伶俐加上甜美笑容加分,參選成功進入十強,更獲TVB藝人媽咪、高層樂易玲厚愛,當時樂小姐在十強記者會上,就開腔唯一點名力讚何依婷有進步兼充滿自信,得高層加持,何依婷愈戰愈勇,最終不負厚愛成功摘下亞軍名銜而加入無綫發展,近期更獲樂易玲點名力捧。據知情者透露:「樂小姐睇人有一定眼光,佢覺得Regina除咗外形條件好,本身亦好有潛質,可以喺多方面發展, Regina簽約TVB之後,樂小姐亦不時會提點Regina,而且無綫向來開劇,監製同高層都會一齊商討角色同選角,今次《機場特警》搵Regina做港女KOL,絕對係一支好籌,有好多發揮機會,因為個角色夠寫實,容易引起共鳴,角色出位又唔會乞人憎,最緊要班高層點晒頭畀港姐出身嘅Regina喺劇中騷身材,幾乎由頭帶到尾,成績當然事半功倍,角色受歡迎係預期之內。」

參選港姐期間,何依婷已獲高層樂易玲點名大讚有進步兼充滿自信,早已贏在起跑線,摘下港姐亞軍后冠後更愈戰愈勇,成樂易玲點名力捧花旦。
參選港姐期間,何依婷已獲高層樂易玲點名大讚有進步兼充滿自信,早已贏在起跑線,摘下港姐亞軍后冠後更愈戰愈勇,成樂易玲點名力捧花旦。
何依婷演的港女 KOL角色寫實,劇中為向網民找數,更著比堅尼洗車。
何依婷演的港女 KOL角色寫實,劇中為向網民找數,更著比堅尼洗車。
《學是學非》成了港姐上位搖籃,去年加入成為是非精的何依婷,亦神速升呢!
《學是學非》成了港姐上位搖籃,曾加入成為是非精的何依婷,亦神速升呢!
憑《機場特警》「絕世港女」出位,何依婷近日曝光率飆升,除了不時亮相綜藝節目,日前又聯同一班港姐傍住兩大高層杜之克及余詠珊參與無綫活動。
憑《機場特警》「絕世港女」出位,何依婷曝光率飆升,除了不時亮相綜藝節目,又曾經聯同一班港姐傍住兩大高層杜之克及余詠珊參與無綫活動。

上位即飛窮男友 公開放盤等機會

首度拍劇便能將港女角色演得入型入格,何依婷除了演戲潛質優越,原來亦戲如人生,本身同樣目標為本,亦曾加入《學是學非》開始上位,即同拍拖數年的窮男友斬纜。據何依婷好友說:「自細有阿媽教路, Regina目標好清晰,佢唔會嘥時間去做唔等洗嘅嘢,入行之後工作多咗,阿媽亦勸佢珍惜機會搏殺,唔好只掛住拍拖,佢睇法都一樣,上年開始上位,索性同男友分手,仲成日出嚟公開話單身,目的咪係想等更好機會埋身!」前途一片光明,何依婷亦搵阿媽陪裝身,日前在電視城工作完畢,即急急駕車到又一城會合媽咪行街,大力支持女兒在娛樂圈發展的何媽媽,為免女兒畀狂蜂浪蝶埋身,更以人盯人戰術監控,完全掌控女兒所有行蹤,當日母女在商場行了個多小時,主攻化妝護膚品後一齊離開,力谷女兒有更強戰鬥力的何媽媽,確實用心良苦!

對阿媽教路言聽計從,孝順女何依婷日前收工即第一時間揸車會合媽咪行街街,母女情深全程拖住手行,打扮時尚的何母,同女兒儼如姊妹花,不過疫情關係,當日戴上口罩和Cap帽的何媽媽,容顏好神秘。
對阿媽教路言聽計從,孝順女何依婷收工即第一時間揸車會合媽咪行街街,母女情深全程拖住手行,打扮時尚的何母,同女兒儼如姊妹花,不過疫情關係,當日戴上口罩和Cap帽的何媽媽,容顏好神秘。
做完活動,何依婷駕駛其價值約二十多萬的舊款Benz到又一城,泊低車後匆匆行去會合媽咪行街。
做完活動,何依婷駕駛其價值約二十多萬的舊款Benz到又一城,泊低車後匆匆行去會合媽咪行街。
深明扮靚是女人天職,兩母女遊走商場全程主攻化妝品,悉心培育索爆女兒上位的何媽媽,買化妝品比女兒更緊張,不時問售貨員意見,不足一小時已經買下不少戰利品。
深明扮靚是女人天職,兩母女遊走商場全程主攻化妝品,悉心培育索爆女兒上位的何媽媽,買化妝品比女兒更緊張,不時問售貨員意見,不足一小時已經買下不少戰利品。
母女齊扮靚
母女齊扮靚
實行人盯人戰術監控女兒的何媽媽,shopping完母女一齊行去停車場攞車離開。
實行人盯人戰術監控女兒的何媽媽,shopping完母女一齊行去停車場攞車離開。

『所謂』保母言論 遭阿Bob訓斥「無禮貌」

26歲何依婷上位即飛窮男友 真假阿媽力谷做單身女王搏上位
節目中分享參選港姐感受時說:「參選港姐時會有好多『所謂』保母同好多人睇住我哋班女仔…」

曾經做過一輪兒童節目《 Think Big天地》主持的 何依婷,18年接受《兄弟幫》訪問時,就不慎暴露港女真性情。節目中分享參選港姐感受時說:「參選港姐時會有好多『所謂』保母同好多人睇住我哋班女仔…」之後更謂:「入到 TVB見到個個都要Say Hello,個個都要尊重,連掃地嗰個都要同佢講早晨。唔可以得罪佢哋,如果唔係,唔知有咩下場…」此話一出,主持人阿 Bob立即當眾教訓一 番:「 同人打招呼係基本禮貌,唔單止喺TVB,喺外面見到掃地姐姐都可以 Say Hello」。

26歲何依婷上位即飛窮男友 真假阿媽力谷做單身女王搏上位
主持人阿 Bob立即當眾教訓一 番:「 同人打招呼係基本禮貌,唔單止喺TVB,喺外面見到掃地姐姐都可以 Say Hello!」

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!